¹ Au sa digita'ina i yaloqu ni'u na maqa ni la'o ya'e vei emudou ena lomabibi. ² E bau au va'abuna na nomudou lomabibi, o qi me na qai va'amarauta'ini au, ia, o 'a ga au ma va'avuna na nomudou lomabibi. ³ Au ma uslavola ya'e vei emudou baleta e na gauna au na la'o ya'e ina vei emudou, me'u 'ua ni rarawa baleti 'edra ma dodonu me dra va'amarauta'ini au. Sa dei na yaloqu me baleti emudou baleta na noqu marau e tautauvata ei na marau sa tu vei emudou. ⁴ Ni'u volavola ya'e vei emudou 'ena rarawa levu 'ei na mosi ni yalo. 'Ei na levu ni wai ni mata. Au maqa ni volavola ya'e vei emudou mudou rarawa 'ina, ia, au si'ata ga mudou 'ila na titobu ni noqu loloma vei emudou. ⁵ E dua sa va'avuna na lomabibi o 'oya a maqa ni vu ni lomabibi walega vei au, ia, e na dua viro na yasaname 'ua ni va'aicolacola vei emudouvei emudou tauco'o. ⁶ Na totogi eni baleta na tamata 'a rai, ma solia i'edra na lewe levu, sa rauta va'asia. ⁷ Io, i eni mudou 'ua ga ni totogita'ini 'oya, ia, sa dodonu ga mudou vosoti 'oya qai va'acegui 'oya ca'ava eni ve 'ua ni luvuci e na levu ni 'a rarawa e yaco vei 'oya. ⁸ Au sa va'auqeti i'o mo va'adeita'ina na nomu loloma vei 'oya. ⁹ I eni na vu ni noqu volavola ya'e 'ina, 'arai baleta au va'atovolei emudou me'u 'ila de emudou talairarawa e na vei'atauco'o. ¹⁰ E bau mudou vosota e dua, au vosota viroga na tamata 'arai. Na 'a au sa vosota, e bau e dua na'a au sa vosota, sa vosoti ena bu'umudou e na mata i Karisito. ¹¹ I eni me 'ua 'ina ni law'aita'ini 'eda o Setani. Ni da sa maqa ni lecai'a e na nona lawa'i. ¹² Na Turaga sa dolava vei au e dua na ta'ari e na noqu la'o mai na 'oro levu o Teroa me'u vunauta'ina 'ina na kosipeli i Karisito. ¹³ Ma maqa ni va'acegu na yaloqu baleta niu maqa ni raici Taito na tua'aqu. Au mani biuti dratou me'u la'o i Masitonia. ¹⁴ Ia me va'avinavina'ata'i na Alou, e na vu'u i Karisito ni sa dau liuta'ini 'eda i na qaqa e na veigauna. Ena vu'uda o 'oya sa va'avotuya na i boi sia ni noda 'ilai 'oya e na veivanua tauco'o. ¹⁵ O 'eda sa 'a boi si'a nei Karisito vei 'oya na Alou, vei edra sa va'abulai vata 'ei 'edra sa rusa. ¹⁶ Vei 'edra na tamata 'edra sa mate sa i boi mai na mate i na mate. Ia, vei edra sa va'abulai sa i boi mai na bula i na bula; o cei sa rawara na vei 'a eni? ¹⁷ Ni 'eitou maqa ni tautauvata 'ei 'edra na tamata edra volita'ina na vosa ni Alou medra tawa 'a 'ina. Ia 'ena savasava ni lewa e loma, 'eitou vosa e na vu'u i Karisito, me bau ga ni sa talai eitou mai na Alou, e na mata ni Alou.