¹ O Paula na i apositolo nei Karisito Jisu e na vei losi ni Alou, vata ei Timeci na we'ai eilou, i na i soqosoqo lotu ni Alou e Korinaca vata 'oi 'edra sa lotu ena van'ua va'a Akaia. ² Me nomudou na va'acegu ni Alou na Tamada ei na Turaga o Jisu Karisito. ³ Me va'aro'oto'ota'i na Alou na Tama ni noda Turaga o Jisu Karisito. O 'oya na Tama ni loloma ei na Alou ni vei va'acegui. ⁴ Na Alou dau va'acegui eda e na gauna ni rarawa tauco'o, me rawa ni da va'acegui edra viroga o 'edra sa rarawa. Eda ra'acegui 'edra ga e na va'acegui 'eda 'ina na Alou. ⁵ Me bau sa levu sara na nona va'ararawata'i na Karisito e na vu'uda. Sa bau viro ga ena na levu ni ne itou va'acegu e na vu'u i Karisito. ⁶ I ebau 'eitou sa va'ararawatai; Sa yaco me baleta na nomudou va'acegui 'ei na nanudou va'abulai; ia e bau 'e itou na va'acegui, sa yaco eni me mudou va'acegu. E na vu'u ni nomudou vosota sa yaco va'alevu na va'acegu vei emudou me bau namudou vosota na vei'a rarawa 'eitou ma va'ararawata'i viroga 'ina. ⁷ Na neitou va'anuinui me baleti emudou e na maqa ni yavalati baleta ni 'eitou ila e bau emudou wasea vata na 'a rarawa mudou na wasea vata viroga vata' 'ei 'eitou na va'acegu. ⁸ Eitou maqa ni si'ati emudou na we'aqu me mudou lecai 'a e na vei 'a dredre eitou ma sotava mai Esia. Eitou ma va'acolati e na i vua eitou maqa ni colata rawa na ena bibi ni eitou maqa ni qai nanuma 'ina na neitou bula. ⁹ Na i totogi mate ma sa tau me baleti eitou, ia ma yaco eni me eitou 'ua ni nuita'ini 'eitou, ia, vei 'oya ga na Alou o 'oya sa va'atuva ca'e na mate. ¹⁰ SA va'abulai 'eda o 'oya mai na totogi mate, ia e na va'abulai o'oya. Eda sa nuita'ini 'oya ni sa i 'oya ga 'e na va'abulai 'eda. ¹¹ Ni emudou sa veivu'e viroga e na masula'ini 'eitou. 'E na levu 'e dra va'abinavina'a 'ena vu'u i 'eitou e na loloma sa soli vei 'ei tou e na vu'u ni nomudou masu. ¹² I eni na vu ni neitou marau. Na neitou lewa e loma e sa va'adinadinata'ina na dina eni na tauco'o ni neitou bula va'alou e vuravura eni, ia a maqa ni va'araravi e na vu'u va'ayago, ia, e na loloma ga ni Alou. ¹³ Eitou maqa ni usia ya'e vei emudou e dua na'a emudou maqa ni rawa ni wili'a se 'ila, ia au niuta'ina ni dou na 'ila sara va'amatata, ¹⁴ me bau ni mudou'ilai 'eitou ga va'ati'itna, me rawa ni dou na dau tovoli 'eitou e na siga ni noda Turaga o Jisu, me bau ga ni 'eitou na marauta'ini emudou. ¹⁵ Baleta ni'u sa va'adeita'ina na 'a eni, au ma si'ata me'u la'o taumada ya'e vei emudou me rawa ni nomudou viro na i 'arua ni 'a sia. ¹⁶ Au ma na'ita me'u na la'o ya'e vei emudou e na noqu i la'ola'o i Masitonia. Au ma si'ata m'eu talevi emudou viro ya'e ni'u na lesu mai Masitonia; me emudou na qai va'atalai au e na noqu i la'ola'o i Jutia. ¹⁷ E na noqu va'anaranu ti'o, au ma lomaloma rua ti'o li? Au tuvatuva 'a ti'o be'a va'ayago me'u 'aya 'ina "Io, io" 'ei na "Maqa, Maqa" e na dua vata ga ni gauna? ¹⁸ Ia me bau ga na dina ni Alou na neitiou vosa vei emudou a maqa ni "Io 'ei na Maqa." ¹⁹ Ni Luve ni Alou o Jisu Karisito, o 'oya au sa vunauta'ina vei emudou vata 'ei Silivenusi ei Timoci e maqa ni "Io ei na MAqa." Ia o 'oya e na "Io" tu ga. ²⁰ Ni vosa ni yalayala ni Alou e "Io" e na vu'una. Ena vu'una viroca, e da 'aya "Emeni" me va'aro'oro'ota'i ina na Alou. ²¹ Ni sa Alou o 'oya sa va'adeita'ini eitou vata 'ei emudou e na vu'u i Karisito ni sa lumuti eda, ²² sa solia vei 'eda na nona drega, sa solia viroga na Yalo Tabu e na yal'oda me i va'adei ni vei 'a ena yaco mai. ²³ Ia au 'aciva na Alou me va'adinadina vei au ni vu ni noqu maqa ni la'o ya'e ina i Korinca ma baleta me'u rawa ni va'abulai emudou. ²⁴ A maqa ni baleta ni 'eitou dei turaga ni nomu dou va'abauta. Ia, eitou sa i to'ani ga va'aca'aca'a vata 'ei emudou me vu ni nomudou re'i; ni dou sa tu dei e na nomudou va'abauta.