¹ Ino ninga twambanzi kuli abbulamu, tata wesu wensiku kwindila munyama, wakajana? ² Kambo na Abuamu wakasalazigwa emisebezi, ulijesi kambo ko kuli dunda, kutamba kumenso a Leza. ³ Ino malembe amba nzi? Abulamu wakasyoma Leza, monya cakabalwa kulinguwe kuti mbusalali. ⁴ Inawa oyo ulikatazya, pindu yakwe taibalwi kuti cipego, kubanga cikoloti. ⁵ Kono oyo utabeleki pele kwinda kuti asyome muli oyo usalazya batasalali, lusyomo lwakwe lubalwa kubusalali. ⁶ Davida anguwe wakambilizya cileleko kumuntu Leza ngwabala busalali kakutakwe misebezi. ⁷ Ulamba, '' balelikidwe abo balekelelwe milandu yabo, ezibi zyabo zyavumbwa. ⁸ Ulilelekidwe oyo muntu ngwatakabalili kucinyonyono mwami.'' ⁹ Kokuti eci cileleko cakambilizigwa buyo kulabo bapalwidwa, na okulabo batakapalulwa? kambo twamba kuti, '' lusyomo lwakabalwa kuli Abulamu kuti mbusalali. ¹⁰ Ino kwaka balwa buti kuli nguwe? pawo natalina na nakamana kupalulwa? tainsi nikwakamana, kono nikwatalina! ¹¹ Abulamu wakatambula citondezyo co kupalulwa kuba cijazyo cobu lulami kambo kolusyomo ndwajesi katana kupalulwa. Oyu walimuzezo okuti abe isi wabo bense basyoma pele sibalina kupalulwa, kutegwa busalali bukonzye kubalwa kuli mbabo. ¹² Ape ngo isi wabakapalulwa kutapalulwa buyo pele abo ape b enda munzila yolusyomo kuti isi wesu abulamu ndwajesi katana kupalulwa. ¹³ Kambo cisyomezyo kuli abulamu ape oku lunyangu kuti lukakone nyika takwe niyakaza kwindila mumulawo pele kwindila mubusalali olusyomo. ¹⁴ Na kuti abo bapona mulawo bakabe bakoni, lusyomo lwasampuka, mponya cisyomezyo caba cobuyo. ¹⁵ Kambo mulawo weta buyo bukali, pele kutakwe mulawo, takwe cinyonyono. ¹⁶ Kambo kako kwindila mulusyomo, kutegwa cisyomezyo ciyezyo cibe ali se kuti cipegwe kubense bana ba Abulamu ansi omulawo. Ape abo babana lusyomo lwa abulamu. Ngotata we twense. ¹⁷ Mbuli mukulembidwe, '' ndakusala kuba isi wamasi ense.'' Abulamu wali mubusyu boyo mbwaka syomide, oyu ngu, Leza upa bumi kubafwide mponya okwita zintu zitao kuti zibewo. ¹⁸ Kulindila musyomo wakasyoma kutlindila, kuti lyo konzya kuba isi wamanyika manji, kwinda muli mwakambilidwe, mponya kokuyozwa olunyungu kuluyoba. '' ¹⁹ Kakutakwe kulela mulusyomo wakalanga mubili wakwe kuti ulifwide kambo wajesi maziba ali mwanda, ape cizyalilo casala califwide. ²⁰ Pele kambo kecisyomezyo ca Leza, Abulamu takwe nawaya waya mukatasyoma. Kwinda kuti wakadisigwa mulusyomo mponya okupa bulemu kuli Leza. ²¹ Wakazumina masimpe kuti Leza zyamusyomizizye , oyu konzya kucicita. '' ²² Kambo eci cakabalwa kuti, '' mbusalali kulinguwe.'' ²³ Pele majwi '' kwakabalwa kuli nguwe'' takwe nakalemba kambo kakwe alike. ²⁴ Akalembwa okuliswebo, ape kuyobalwa okuti swebo totusyoma muli oyo wakabusya Jesu mwami wesu kuzwa kubafu. ²⁵ Oyu ngonguwe oyo wakapedwe kambo kazinyonyono zyesu ape wakabusigwa kuti tusalazigwe.