¹ Ino mu Juda ulainda buti? Ambubo bupalule bulempindu uzi? ² Nkubotu munzila zyonse. Chikusanguma kuli zyonse, na Juda bali shomidwe echiyubunuzyo cizwa kuli Leza. ³ Ino kuti kambe bamwi bama Juda tibakwabo nikwakakozya kubisizya lushomo kwa Leza? ⁴ Kutakabi namu. Nikuba namu, Leza aka janike kuti ngwamasimpe. Mbuli mbuchilembidwe, "Kuti ninga mwatondezigwa bululami mumajwi enu. okuzunda mukubeteka kwenu." ⁵ Pele na kutasalala kwesu kutondezya busalali bwa leza, munga twamba kuti nzi? Ninga twamba bwakwe kuli swebo? (Ndili kubelesya cho buntu) ⁶ Kutakabi namu! Ino mponya Leza uzokonzya buti kubeteka nyika? ⁷ Pele na masimpe a Leza mukubeja kwangu ayungizizya bulemu bukwe, ino ndibetekelwa nzi mbuli sizibi? ⁸ Ninzi nikutambwi, mbuli mbututambwi masimpe, mponya bamwi batongoka kuti twaba kuti, "Atuchite bubi, kuti bubotu buze"? zibi zyabo zyaliluleme. ⁹ Mbuti ino? Nkokuti tulainda? Tatwindi nikuba kanini. Kambo twamba kale kuti ba Juda ama Giliki bonse, bale zibi. ¹⁰ Ecili mbuli mbukulembidwe: "Takwe ululeme, nikuba womwi. ¹¹ Takwe uswilizya. Takwe uyandola Leza. ¹² Bonse balipambukide. Bonse antomwi mbasizibi. Takwe uchita zibotu, takwe, nikuba womwi." ¹³ "Muminino wabo mulindi ukwazeme. Tulimi twabo tulena. Boka bwenzoka buli kunsi emilomo yabo." ¹⁴ "Mukanwa zyabo kuzindwe matusi obukali." ¹⁵ "Maulu abo afwamba kutila bulowa. ¹⁶ Lunyonyiko amafwabi zili munzila zyabo. ¹⁷ Aba bantu tabana kuziba nzila yolumuno." ¹⁸ "Takwe buyowi bwa Leza kumenso abo." ¹⁹ Ino twaziba kuti kufumbwa mulawo aciwamba, wamba kuli abo balimunsi omulawo.'Echi chili mukuti milimo yonse ijalwe. ape kuti nyika yonse ibe omulandu kuli Leza. ²⁰ Aka kambo kokuti takwe muntu unga walulamikwa emilimo yomulawo mumenso akwe. Kambo kamulawo nkucizibika chibi. ²¹ Pele ino katemba mumulawo bululami bwa Leza bwayubununwa. Bwakatondezigwa kumulawo okubasinsimi, ²² obu mbokuti, bululami bwa Leza kwindila mulushomo muli Jesu Kilistu kuli abo bonse bashona. Kambo takwe lwindano. ²³ Kambo bonse babisya okulela kubulemu bwa Leza, ²⁴ pele balalulamikwa oluzyalo lwakwe kubununu buli muli Kilistu Jesu. ²⁵ Pele Leza wakatupa Kilistu Jesu kuti abe mulongu kwindila mulushomo lomubulowa bwakwe. Wakapa Kilistu kuti nchitondezyo chobululami bwakwe, kambo kokuleka kwezibi ezyo zyakachitwa kuchindi ²⁶ chachamba chilema chakwe. Echi chaka chindi chesunu. Echi chalinamukutondezya kuti uliluleme, ape okutondezya kuti ulalulamika kufumbwa kambo kolushomo muli Jesu ²⁷ Ino kulisumpula nkuli? Kwajalipele kwindila mumulawo wolushomo. ²⁸ Nkokuti tulamba kuti muntu ulalu lamikwa olushomo lutakwe milimo yomulawo. ²⁹ Na Leza ngu Lesa waba Juda abalike? Nkokuti taisi Leza wabamasi ambabo? Ii, ngowabamasi ambabo. ³⁰ Na, momumo, Leza uli womwi, uzo lulamika basilupalule olushomo, abasilulomo kwindila kulushomo ndonya. ³¹ Nkokuti mponya tulamanisya mulawo kwindila mulushomo? kutakabi namu! Nikuba namu tulayumya mulawo.