¹ Ofu ‘dii enga simone Peturu ni modi lejo Rubanga dii ni edi ri dii. Anda cwi ‘ba andani Rubanga amadi ba rarire yesu kristo akele ai ni loso rere amadi ani ripi dii. ² Anya Rubanga rii kaa opi yesu to ra si, tutu ibwe to kolu anyini kare aku. ³ Okpwo Rubanga dii kee ama ni nga tuadu ama lele aluzo ‘ba Rubanga di ani ciri ama dii modi ama ni lungwe ree eku andradi loso rii esule ni nikaa si. ⁴ Lejo disi ecara ama ni nga ambugodu pi loso rere, cara di’a lejo si anyidupa du ovininjwi vu renjire ra ri niga si pi, dudu anyesu du lidi Rubanga dii. ⁵ Disidu anya aluka ai too si, kulee anjenja anya loso, anya loso dige anjenja ciri, ⁶ Anya ciri ni dige anyenja runi nga mbakaa, run i nga mbakaa anyenja nga mikaa, nga mikaa a dige anyenja Rubanga orikaa. ⁷ Rubanga orikaa ni dige anyenja adrinji lekaa, andrinji lekaa ni dige anyenja le ‘ba tuwadu ni. ⁸ De nga di kolu anya asige amgbu kuubaa anye de ibu anyidi dide too, ciri anya opi amadii yesu kristo ni nizo ri si. ⁹ Ki’de anyolu to du ku, anyolu kelende modi mi ako, nga ndere ku ri ani, viru modi enji anda dii ati ri duru pi ni legweka dige sir a ri ani. ¹⁰ Ma adrinji, anyobi Rubanga a lungwe pii anyini lupeka nga ni mbale, anyolu to du, de anyede dini, alusa anyelegweku. ¹¹ Lejo disi akee anyini opkwo njari kwizo opi Rubanga di lokoreku ri ni ga, opi amodi pi yesu kristo ni bararire vi si ra. ¹² Disidu alu tuadu si sa mera anyi ngadisi, de anyini atisi ra pi lejo andaa anya erile ri kukwi anya asige alii sa i. ¹³ Mara kolu ma ni loso ma olure adi lidi rii de emera anyi lejo di pisi. ¹⁴ Mani ram emu mebe ru kumwara di ra, kelende opi amadi yesu kristo a edeteka mani pelere ri ani. ¹⁵ Memu mobi lejo dii odetele anyini dudu anyima erale wa ma da ni vuga. ¹⁶ Mange alusa anyini lejo baa lenile ciri ai di sir i ayo ku, ki opkwo opi amadi yesu kristo ni emure eku to ama ndele ama ni siriiama nge ayo. ¹⁷ Esu ama aa Rubanga ata a laru kere andani eku to ri ni ga i, uduku engare eku abugo ri jo: “Dii ma ngwa ma lele ndo ri’i. male ni tuadu ruaru!’ ¹⁸ Ameri amangasi uduku engere rubu ge di ra, ama olure ai to be okolee ri a di ge rii. ¹⁹ Amani mgbesa lejo profetaa a jole ri ra. Anya bi baka laka ra si anyedee loso adusi kelende asi gwere vu mudi aga bi va owire gar i ani, ingwe kirijobi di a langwe anya asi ge. ²⁰ Kule anyera, modi zi alu saa lejo buku ole ri nia ga ria diamba ni ngere andaa nga si wana iyo. ²¹ Alusi lejo profetaa a ngole ri ngeki opkwo aidi siku, ku ngeki lejo Rubanga di okpwo Endi okole ri a kole ai ni ri si.