¹ Profetaa enjoorii eze sa bani lele aa, alu ri ani laponyia enjoo ri sa kevo kolu anya lele ga aa, kevo lejo ba enzire pi limi anda ku ri to, kuko kuga ki opi ai ni gere ri imgbe. Aiangasi kuko keziki econdi aiadige emi angwadu. ² Ba amgbu rii kevo kokoki enidi indzi rii avu ayo nga ai’a edele ri si. ³ Ai’ya a amboo si, laponyia enjo, dii keleni ki anyi lejo aoku ri si. Ki lejo aidii laliru baba, pi modi aini enjire ri ko adu ku. ⁴ Rubanga ebe alusa malaika andrani andaa di ni atukara rii lambja ako ni kuru, waa ai asi agaa, ombe aia dii ni nyori si vu ini tiri ri ni aga cwii, kute ki odu lejo lalizo rii. ⁵ Rubanga eke ba andrani eze ri lamgba ako ni kuru, ebe iyi elure nja ri dii ba andrani ori ka ku ri ra. Lari te nue ni lejo andari ngereiba tuderi tro odute. ⁶ Rubanga ke lamgba tauni sodoma pi di gomora to ri ni, epwe ai asi si. Edete na a ovi nga kemu kenderu ba asi inzii ri a rug e rii’i. ⁷ Lari loto ni modi loso asi lajware ba cara ni ta mbakaku ri a lidi inji ri si riira. ⁸ Modi loso olure ai’a lelega odu cidi si ri a nga inji aia edele ri ndeka pi anda Erika si asi na lajwara. ⁹ Disidu opi niiba loso rii larika aia lubi ni agasi ni ra; pi anda nii ba injwii ria nga mbaka odu lejo lalizo risi lambwa nini ra. ¹⁰ Ndonda na ba vico ru di a vu ni okoka pi opkwo Rubanga dii lu’daka ri pi ii. Ba dipi a asi opkwo pi kecuru ki, kekii alusa nga eku to bu a ri ni laru ku, rarii kuludaa ki ludaa. ¹¹ Ki malaika opkwo to ai ni zware ra isa esikiki ai opi ni anda ga lada to ku. ¹² Ba tuwa ovi diani, ngani ekai erile ku ludaka rii ai ba nga taka wa ri ku, viruki anyukwa osile tekisi dile ri to, disidu avo enji ai anyukwa ani. ¹³ Kevo kesuki ecandi di ayo, nga inji ai edele ri si. Nga anji kere ai ni ri te itu asi si nga vico rudi allele rii edeka, anya emure ai to linya gar ii ai laru ako, kede ki nga dringa kere ri ayo, satua si kulujo ki lejo enjo du rii ayo. ¹⁴ Leki nga zi ku, rari kunde ki nga uku bate ri di, vico ru di ate ai ni ku, kubaki ba mori akoo ri kude enji a’ga. Ai alu Rubanga di ni aga! ¹⁵ Ai’a leti anda rii ebeka si, legwe kii aia leti ra. Kaki leti balamu ovi bosori ni rubia esure nga injwe edeka sir i ni leka ndo rii dii ii. ¹⁶ Eja andani enji anda dii si ra. Kaino ti ako ri jo nga uduku ba dii si, edee profetaa nga edere ataa rii cwi. ¹⁷ Ba ovi dii viru idi njure ra ri to, ongu rubu oli a ngile pi rii ani. Rubanga ede ai ni kare vumudi ini rere rii ni aga. ¹⁸ Kecuruki pi kulujo ki nga mamali du. Kebu ki vico injwi ru di tem aba lekaa ai kebe enjo ba vudri ge rii di ra ni etazo. ¹⁹ Ecara ki ai ni dimbgwo, ki ai gba rile ai opigo lidi injwi ri di i, adusiku de lejo zwa modi ni mi ra, andani opigo nga anda ni zware ra ri di i. ²⁰ De ba ebe lidi injwi vu di ge di a’ri ama opi pi aridipi yesu kristo ni nika si ra, de deki lubi nga pi lubi zwa ai’a mori ra, ba ni ani ri kevo kolu ki econdi injwi ri ni aga kuko kuzwa andani atiri ra. ²¹ Aia leti anda dii nika ku zwa loso si aia cara ole ri ni ka ati ra ki aia ebeka ra ni ra. ²² Nga redere aia ru ge ri etede “oke kungwi nga amota bwele ri niga. Pi ko rujwere ra rii kungwe vondire otokudu aga ni gbwendu.