¹ Maa rozi, anya'i endi tuwadu ku, ti adi anyo'bi a'i pa, anyinde du de a'i endi engare Rubanga di ri'i na'i, a'dusiku rebia karako enjo ri acaku voku vu dige tuwadu. ² Anjwo anyi ni endi Rubanga di ovi 'disi, endi tuwadu 'jore Yesu Kristu ni anda emu ru 'ba dito, il endi Rubanga di'i; ³ ti endi le'jo ngere Yesu a ru ge ileni ku ri enga Rubanga di ku. Ile endi anire Kristu di anda anya erile a'jo kumu kemu ra ri'i, diadu wo aa vu diga. ⁴ Ma 'bonji, anyi bonji Rubanga di'i, anyizwa a'i wo ra; a'dusiku mo'di anya, aga ri amgbu zwa mo'di vu aga ri ra. ⁵ 'Ba ile a'i'ba vu di'i ongu le'jo'jo a'i a lu'jole ri lo'jo'jo vu di'i, vu saa keri a'i. ⁶ Ama 'ba Rubanga di'i; mo'di Rubanga ni nire ra ri keri ama le'jo, ti mo'di Rubagna di'i ku ri eri ama lejo ku. Nga di ke'be amani du endi anda ri pi ni lele lapika endi enjoi di ri to. ⁷ Ma rozi, kulee amaleree ama amani, a'dusiku le kenga di si, mo'di 'ba lere ndo ri kesuo andaa ni 'bura Rubanga ni ra. ⁸ Mo'di le ako ri, ni Rubanga ni ku, a'dusiku Rubanga ni le. ⁹ Nga le Rubanga di ni e'dete re anda amani ri 'di, Rubanga ezwe Andaa 'bura alu papala ri vu diga dudu amolu lidi Andaa si. ¹⁰ 'Di andaa ni le, ama Rubanga ni leka si ku, ti Andaa le ama ni, e'be Andaa ezwe Andaa Ngwa ni enji 'dure ga pi ama ruge si. ¹¹ Ma rozi, de Rubanga le ama ileni na, kulee ama saa amaleru ama amani. ¹² Mo'di zi anda Rubanga ni ndere na iyo; de ameleru ama amani, Rubanga kolu ama 'aga de. ¹³ Nga bare amaniye ama Andaa ni 'aga pi Andaa ni ama 'aga ri a'dusi Andaa ke amani Endi Andaa di ra. ¹⁴ Ongu saa amande ra, pi ama nge sadeni a'jo Rubanga Ata Andaa Ngwa ni olurega vu lorire. ¹⁵ Mo'di a'ire a'jo Yesu ni 'Bura Rubanga di'i ri kesuo Rubanga kolu andaa 'aga, pi andaa ni saa Rubanga ni 'aga. ¹⁶ 'Di ke'be amani du le Rubanga di ama ruge, ongu ama'i ra Andaa le ama ra. Rubanga ri le mo'di olure le aga kolu Rubanga 'aga, Rubanga saa kolu andaa 'aga. ¹⁷ De ama le kuga de amolu asi opko to o'du le'jo lalizo ri ni nga, ovidu kende Yesu a oluzi ri ani, ama'i saa ile ovi amolu vu 'di ni dige. ¹⁸ Ori zi iyo le aga, ti de lekuga de kudo ori pi, a'dusiku ori kemu icandi emure ri ni a teka ri, 'disi mo'di orire ri kesuo le andaa di ga de kurce. ¹⁹ Nga 'bare amolu le to ri esu atisi Andaa le ama ni. ²⁰ De mo'di zi ku'joo andaa le Rubanga ni ra, ti le adozi ni ku, andaa ni enjo; a'dusiku de mo'di le adozini andaa kunde runa misi ri ku, ate Rubanga ni andaa ru na ndele risi kuru ri ni leka ku. ²¹ Amesu cara 'di Andaa di si a'jo. mo'di Rubanga ni lere ri kulee kule adozi ni saa.