¹ Ya kiru eleh andu aah akojo adu ne koy? Ya eleh andu aah akolow rossu se munyierure anyi beya quii napa koleh ri kale? Acho ilehku! ² Ya kiru bo aah oduba akadda rossu napa seka eleki kiru akolow rossu napa ra adadu? ³ Eyabo adi ammi innekure oddo aah oduba onna aah ni ru iyi se Khristho Yesu niah woka eleki oggo bo kiru omma aah ni ru kapa lago ri odda napa niah wo kure? ⁴ Achobo issee aah lago roru nona iyi odda napa niah wo, anyi beya, oggo esu Khristho ri eanjizo nini odda ri lelese akku atha rina se, achobo oggo kiru aah akololow olow nonwe lidi rina niah wo. ⁵ Kobwo eya aah akomba lago ro romia napa niah odda se awena nini wo, angwi ge eleh andu aah akomia omia lago ro onga napa niah wo. ⁶ NAah akonone oddo aary ruw nandi andda apaka lago ro, eleni anyi beya aary ruw kapa rossuba oggo imuwo ro kale wo, anyi beya aggo aah akodo olow rossu napa ri nyaaru quwo. ⁷ Kobwo odda ri modi napa koleh wo rossu napa ri lele se. ⁸ Eya, kiru, aah akudda Khristho ro oho, aah akeawewo oddo angwi ge eleh andu aah akadadi lago ro. ⁹ Achobo aah akonone oddo Khristho, eanji odda ri lelese oho, angwi odda oggo quwo towe quaki odda napa ri omba kiyowo itilla lago doquwo. ¹⁰ Esu awery oddazo nini lago odda ros napa se daly alobe anzze kobwo bany ni leebithi, esu awery aduzo nini, lago ady kobwo orri. ¹¹ Kiru theathu napa eleni ra wo, oggo eyeyeta ammi ri ruw kapa esu ri uddazo niki rossuse azze nady orri ni Khristho Yesu niah wo. ¹² Kiru eleni ra wo, anyi beya rossu napa ri opopi kodo ammi ri ruw kapa uddaba eleki nitellaku anyi beya nakkah odia apika anyo wo. ¹³ Angwi nodo ammi ri ruu kapa ri ofo alokwa nozee rossu napa ri andandaku esu kototo niki riranyazo, ama izeeta ammi ri ruw kapa orri ri andanda anyo esu rinjizo nini odda ri lele se lidya angwi ofo kapa ammi ri ruw rika eleki ri alokwa orri ni esu kototo niki kobwo thokithoki ri kiwse. ¹⁴ Kobwo anyi beya rossu napa ri ambamba alla kodo ammi nitellaku, kobwo ammi kakoko ri bubu quwo ama quii ri bubu anyo wo. ¹⁵ Adunga kiru koy? Ya aah akossu ri ossu kobwo aah kakoko ri bubu ama acho quii ri anyo? Achobo keway! ¹⁶ Adi ammi innekure oddo eya ammi neazee ammi ri ruw modi allari andanda kede esu ngaa niki a'iyle, ammi nyaa odi napa ammi ri a'iy kana eleni ri wo, eyabo rossu rina, oloro okeleh odda anyo, eyabo ka iy ri, angi koleh thokithokiyo anyo dia koy? ¹⁷ Ama pia orrini anyo anyi, beyaju ammi rossu napa ri nyaa daly alobe ammi nolow ra iy ribaru kalle ohoasidi ri lelese rinneri auw oloro ammi ri okwe kana eleni ra. ¹⁸ Kalla rossu napa ri lelese wo, ammi nufuri thokithoki ri nyaaru kale oho. ¹⁹ Ma monga arari modi rika kobwo amudwe ammi ri rina eleni se. Kobwo esu andda ammi ri ruw kapa ri ofo alokw neazeezo niki nyaaru thoworose angwi kakoko nako eazee ammi kakoko nako ri banny ri banny ri wo, Kiru elenini eazee api thokithoki ri banny ri andanda nyaaru wo kobwo athu. ²⁰ Kobwo eya ammi rossu napa ri nyaa, ammi kalla dini thokithoki ri lelese . ²¹ Ama mii longwe napa adunga ammi nessu anyo da kiru koy nga kapa oduba dinja koruu ammi ne aka ri lele seka eleki ra? Kobwo nga kapa eleki ri asseele na wo odda iwo. ²² Ama elenini wo achobo ammi kalla dini wo rossu napa ra lele se angwi ammi nolow orri ri nyaaru wo, mii longwe napa ammina eleni kololeh ne thokithokio anyo wo, azze awe kassee ne lidya anyo wo nyonyo. ²³ Kobwo eabu nintha rossu rika api odda ne yo ama okwe orri rina awe lidy aka ne nyonyo wo aary kawowo natha Khristho Yesu ra.