¹ Ilia wo, kobwo andda ithethena aahni regeny se, aarry motho orrira aary kawowo natha Yesu Khristho se, ² oloro aah akidee oquizo quii napa eleni ra oloro aah akeddeh aka eleni, azze kiru lonyi aahnaasisi ningwi akku orri rina niah. ³ Eleni se duleku ama ju ge aah nichachandi se ge aah lonyiro, akonony oddo chandire kapa kofwe azze ebyri lao azoru ⁴ azze reby napa lao azoru eleni, kipaka ri olow ri kaka ne azze kipaka ri olowri kaka ne, asidi ningwizo, ⁵ azze kiru asidi ri eangwi napa idehu aah guwo kobwo orri ri riyie ochu aahry asidio kale oho oyuru naggwy andda okwe kana aah ni nane se. ⁶ Kobwo Khristho, kuse anddaa adi ge ingara aahku, kiru oggo odda lao oloro andda banny onne orriku nane ra. ⁷ Kiru eabu nintha towe napa nane se wo, oggo te ambamba se modi alobe kododa modi alobe ri thokithoki ri kiwse, ju modi alobe oggo keyeyeju eyeyeju anyi kessu kakoko angi kodda modi nintha ri kiwse. ⁸ Ama orri acho akkah awery riyie napa aah ni kuse andda adi aah rosssosu ri banny kiru Khristho oggo odda aary kiwse wo. ⁹ abiru towe adado koyi kiru, bo andda ibulo aah earyi aweka kaki se oho na, eleh andu kiru iloka ri aah ne awese lodo ri lele se. ¹⁰ Kiru eabu kapa ra, eya kuse andda adi aah earroo ithobolo aah andda orri ni wo kiru awery ngwago ri odda se, abiru towe adado konyi rithobolo napa daly alobe, eleh andu iruruka ri aah ne lidy awena se wo. ¹¹ Eleni se duleku te ama angwi aary lonyi orri ni aary kawowo natha Yesu Khristho se awe se wo achobo elenini aah aka iy rithobolo napa kale oho. ¹² Kiru ilia wo, oggo esu rossu napa ri eaquizo nini milili niah wa modi alobe se, azze kiru rossu napa se wo, odda iwo azze kiru odda napa eleni keaki banny ra wo leebithi, esu banny ri rossu kapa nossuzo kiki leebithi. ¹³ Kobwo tokojo lao kakoko rina ra, rossu napa andda aka milili niah wa, rossu nolwa eyeyeku eya kakoko keway na. ¹⁴ Ama odda napa ri opopi Adamu ra lele se tokojo mose, ju api oduba andda adi ossurossuku Adamu ri bubuwage kede esu rossu napa osso eleni nini wo, oloro kede esualobe na andu keakeah nane nini. ¹⁵ Ama okwe napa achobo ede esu rossu napa niniku. Kobwo eya modi nalobe napa naneri rossu napa abika kudda dise wo, ya kiru orri quii napa abiru adadu koy da api modi alobe Yesu Khristho ri quii kapa ro kogu ri abika ni wo. ¹⁶ Azze kiru okwe napa ede esu modi alobe ri rossu nennazo niniku. Kobwo rossu alobe ri bubuwa lokiko nadii aka oloro keazee ri muwo ne; ama kiru okwe napa, rossosu nabi kapa ri bubuwa wo, eazee adi ngalla quwo. ¹⁷ Kobwoeya rossu modi alobe rinase, kiru odda napa ri opopi eaki alobe napa nane se, ya kiru abika towe elleh andu oduba api kaiy ri quii ri mii longwe neka eleki adadu koy okwe thokithoki rina eaki ri lidu niah ri nanero modi alobe Yesu Khristho se. ¹⁸ Okona wo, kiru esu alobe napa nane ri rossu se muwo napa eassa bany nidii kale oho leebithi, kiru alobe napa naneri thokithoki se wo adi anga ngalla quwo azze lidy keassa banny ni leebithi wo. ¹⁹ Kobw oggo ju modi alobe napa ri rossu se abika kiru oggo rossosu ri banny wo, elenira wo alobe ri rossu se wo abika eleh andu kolow thoki wo. ²⁰ Kakoko eaqui ithi anyi bwya aggo rossu napa kideeri idee ama, eya rossu napa kideeri idee na, oggo kiru quii napa kogu ri abiru wo. ²¹ Anyi beya, esu rossu napa ri opopi nini odda niah, kiru angwi oggo quii napa ri opopi thothoki se wo lidya nyonyo aary kawowo natha Yesu Khristho se.