¹ Kuru da adunga inthana ne ilia anyi nolow Jew niah? Eyabo rigwetu napa ri ridi diko adwe da? ² Thumongona towe arow kapa dule dule ofo athiirina nane ra, loba oba duki apina arriri ruffu se. ³ Ya kiruadadu koyi eya alokwa akona? Ya eleh andu eya api adi ewo akaku kiru kassuri orriri regeny ne ossure? ⁴ Acho elehku. Orri oggo kolow thoki, keyeye ri agoo dehdeh injwika, esu awe niwrozo nini, "Anyi beya onddeh thokithoki mena me ri eabu kapa se, azze kiru nesesi wo eya olii meri lokiko oho na." ⁵ Ama eya aary injwi napa kokwe akkah ri orri ri thokithoki ne anyo wo, ya kiru andu aah akojo ado ne anyo da? Kiru orri thokithoki ako, banny konga oddo, anyi keazee awery otha anyo re? ⁶ Acho elehku! kobwo kiru andu orri kolii milili kapa ri lokiko ne adadoo da? ⁷ Ama eya orri ri thokithoki napa eazee awery akku napa ma lodo se, ya kiru adi ge olii ma ri lokiki esu rossu ri modi ninin adoh da? ⁸ Azze kiru ojo kado da esu relizo nini aah ni angwi esu alokwa ri rovwizo nini kojo aah ni oddo anyi beya andu aah akwe injwi anyi beya intha keaki awe ra lele se anyo? loba ri lokiko olii nga ninjwi apika kaki se. Milili Ruthuri ororou rika, Ruthu ro, bou rika rika ro, bou ri bubu rika ro kolow rossu se ⁹ Osuna, ya kiru, inthaka towe opopeh toh? leebithiku, kobwo aah akeazee karinga Jewba ra Girigiba ro loboa leebithi omia ri rossuwa , ¹⁰ esu riwrozo nini: oggo modi alla alobe keway oloro thoki, alobe keway, ¹¹ Modi alla alobe keway oloro kikokoro ri ikokoro, modi alla alobe keway oloro konddu orri ne. ¹² Leebithi oggo ovvo apiro kale wo, leebithi eabuka keway oggo. Modi alla alobe keway oloro konya eabu nintha ne, koway. ¹³ Loba ri olileah konjinji esu budi niki, loba ri leada kapa kunga ri arari ninjwi ne. inye bongoroko ini ri bio loba ri thy ri botho, ¹⁴ Loba thy kapa kiru ogoga thoo agow nagga se. ¹⁵ "Loba ri pa kochu eryi ne titi, ¹⁶ muwo pi a mudwe roleathy api kaki ra wo, ¹⁷ azzee kiru lobaonne motho ri leah guwa". ¹⁸ "Loba ri mii orow ngaku". ¹⁹ Elenini wo aah akonone oddo nga kapa kakoko ri ojo kanaka eleki enna ri enna banny oduba adi onne kakokokuka eleki ni anyi beya tho kapa eleki dehdeeh oggo kabu middi anyo wo azze kiru milili pye dehdeh keddeh ambaru orri ra ra anyo wo ²⁰ Eloni kobwo modi adi onddeh lago ri thokithokithokiku nonddeh jeku, kobworossu onne kakoko se. ²¹ Ama eleni wo kiru ach orri ri thokithoki napa enna kopeh kakoko ne wo, eyeye akka se mia ri banny ro, ²² thokithoki orri rina regeny se Yesu Khristho ra banny leebithi oduba ewobaka eleki ni. Kobwo duleki, ²³ Banny leebithi assurossu oho angwi assee akku orri rina ri lele se kale . ²⁴ Achobo ithethena loba kalla kale bwo lago ri quii se Yesu Khristho ri loka se ²⁵ Orri kiru eabbu lago anyi beya kujwe banny ri rossossu kapa kale, erryi aweka regenyzo kaki se, anyi beya kenna lago ri thokithoki napa kobwo andda athii na lago adi oyee rossossu kapa ni imbeku, ²⁶ auwo orri rina se anyi beya kakkah lago ri thokithoki napa lao ini ra, anyi beya andu lago kolow thoki azze angwi kokwe thokithoki ne modi oloro kegeng ri Yesu ne egeny na eleni ni anyo wo. ²⁷ Ujuma ingore na ne da anyi kiwa rouruilia? Achobo oleh angwy wo, kakoko ingone se, re eaba napa nane? keway yo, eya kakoko regeny ri na angeh. ²⁸ Kobwo acho aahakeyeyeju oddo modi kithethena ri regeny se ithethena ri kakoko ri eabu kapa se dule anyoku. ²⁹ Ya orri napa kolow Jew ri banny ni anyo dule re? Ya lago olow nyigoo eleki niku re kiru? Eyo, achobo angwi kolow nyi goo kapa eleki ni wo. ³⁰ Kobwo orri alobe azze lago eleh andu kokwe thokithoki ne banny igwetu kanaka eleki wo regeny ri kiw se oduba adi igwetukuka eleki ro regeny se. ³¹ Ya aah akoga kakoko ne oga eambe regeny napa eleni se? Acho keway! Acho dega, aah akithehpe ri kakoko napa ne anyo wo.