¹ Ilia wo, meri azze keway, didi alobe ammi ra iliaoloro kolii lokiko ne. Kobwo lokiko napa ri ovwi oloro nolii alla ni eleni me nimwo meri ruwro kale oho, kobwo andda me napa , lokiko moliii iwe nga kapaeliki oho. ² Aah akone oddo orri kolii lokiko ne thoki loba oduba kowe nga apa eleki neka eleki ni. ³ Me neyeyeri eyeye, me oloro nolii loba kapa oduba kunga ri ebuw kapa neka eleki ri lokiko ne olii azze bo nowowe meri ruw se, ya elenieleh andu me napapa orriri lokiko nolii ri se? ⁴ Deh meneyeyeri lago ri thuarinya napa keadina, riring a na titiku angwi kingwi ri ruw ne bubu re? ⁵ Meri riba banya se towe angwi asidiri anthearoku acho kiru me irwe me ni otha kale bwo inee othazo nane raangwi ruffu orriri lokiko noliizo thoki nane ra. v ⁶ Logo kiru eleh andu kingwi ri didi ni alobe alobe esu eabbu awery onga kanaka kaki niki: ⁷ Lidy nyonyo api oduba kundu ri akku neka eleki ni eabu nintha re, angwi muruthu seku kiremo eabbu nintha anyo, ⁸ Kiru otha pi agoh ro api oduba kiremo ri api ri ruw ne anyo koga thokithoki ne eambe azze ka kkah ri thokithoki ninjwi ne anyoka eleki ne anyo wo. ⁹ Eayo, yongoyongo kaka rika riridi eleh andu keaki banny kapa nidii alobe alobe oduba injwi nowebaka eleki. Jewgo ni athii azze kiru Girigigo ni wo. ¹⁰ Azze kiru eleh andu okku pi intharo, azzee motho kolow didi ni alobe alobe aduba owe intharuka eleki, Jewgo ni athii azze kiru Girigigo ni wo. ¹¹ Kobwo adi iyie orriku. ¹² Leebithi oduba ossurossu oho azze rossu napa kakoko niah na keway angwi ge eleh andu kijara dini wo kakoko napa se, angwi leebithi oduba assurossu kakoko napa niah na ge eleh andu olii lokiko nane esu kakoko napa rina nini o. ¹³ Kobwo api oduba keri ri kakoko ne erika eleki kodo siye nokwa diniku oddo orri ondde api ri thokithoki napa oho, api oduba koddeh kakoko napa ne ondeh ka eleki eleh andu kolow apiro kalla wo. ¹⁴ kobwo eya nyigoo oduba kakoko ako konddeh kakoko iwro ogweh kanaka eleki ne riffu se, achobo loba api ri kakoko roju eyeye oddo api kakoko ako. ¹⁵ Eleni loba kenna ri oddo kakoko ri eabbu kapa nee iwro apiri asidio kiru yeye apika ududu niah ri kaki angwi koryi api ne orgi angwi yeye apika riluludiba kaki kiluludi ri iluludi eyabo kipapapka ri api ne ipapaka kale ¹⁶ inee oloro, ms ri lolokwe rina nane ra, orri eleh andu kolii nanny ri eabu ambambwe kanakakaki ri lokiko ne Yesu Khristho se. ¹⁷ elenini eya me nungwe ri me ri ruw ne Jewgo azze nola ri kakoko napa nidii wo azze kiru niwa ri ruw ne orriru wo ¹⁸ azzee bo nanne nga lago ondu kana ne ome azze bo nakkah nga nintha towe adda ouwi kana meni kakoko ri lele se nane oho, ¹⁹ azze kiru eya utha me oho oddo me natuu ri mu dudwo ne nayo azze angwi noffu api oduba ofo natheethery niah ri kaki ni wo ²⁰ anyi beyi beya me nolow mo nithotholonya natharu angwi teah riba ninne natharu, kobwo kakoko napa niah na rinne napa ri kaka me ra wa thokithoki ro? ²¹ Kiru me oloro ninneri alla ne na eleni ya me nasee kale ninne meri ruwku? me oloro novovwi, ri oguw ri kovwi nena eleni, ya me nogogu re? ²² me oloro nojo oddo nodo aquiku eyabo nodo thoworo noweku eyabo nodo mii nobaku na eleni, ya me nowe aqui ne owere? me oloro noga wodia kapa eleki ne eambe na, ya menarra orri jo kapa eleki ne orra re? ²³ Me oloro niwa ri kakoko ne iwa na eleni ya me niboka orriku kakokok nogo se kalere? ²⁴ Kobwo esu awe niwrozo nini, kobwo ammi se orri ri ru imeana kale oyigoo kapa ri agaga. ²⁵ Rigwetu, kolow dukireu, needidiko ri ididiko eya me nonddeh kakoko ne onddeh na ama eya nigokakoko kale rigwetu napa mena eleni kufuri modo adi igwetuku. ²⁶ Angwi, eya modi agona oloro adi igwetuku kiruruka ri kakoko napa ri rutha kapa ne iruruka, ya lago olow modo igwetu ohukure? ²⁷ Elenira wo api oduba ke owy angwy aggo adiigwetuku ka eleki ama azze kozee kakoko napa neangwry wo eleh andu kozee lokiko nolii ne ammi ra wo kiru, kakoko ammi iwro kana azze kiruigweori ammi newo eleni se, kobwo ingo kakoko napa kale. ²⁸ Jewgo alobe ke awy ri ari ne ne angwehku. Rigwetu thokithoki rina ke owy riari ne ne angwehku, ruw niah. ²⁹ Oggo Jewgo alobe ari niah ne azze kiru rigwetu aggo asidiniah, oyuru se, ibaby seku, lago ri kafufura modi ra lele seku ama orri ra lele se.