¹ Iya ori inga mi Kristo ro, de ngga li Oru, ofo olori Kristo ore ori ri di ninda. ² Iyeye ngga oru ri li, Ngga budi ri ko. ³ Kogwo mi ida, azi miri olu abweri Kristo ro Ori nia. ⁴ Iya Kristo efuo na, olori miri olu ni, angwi mi ne fefu awiro awiri rikuo. ⁵ Zuwe loba oda, azi bulu ileki li budi oduba aqui rib a, andiron, Kayeye ninjui ro, angwi kayeye oduba asaka. ⁶ Ngga ileki kokwe ori ri lemi ri evole ni bani oduba eri ori ri e’yo kora. ⁷ Ileki ngga oduba kokwe nawe ani nolo aka twetwe. ⁸ Ti kideka noyi ngga ni li esu agonini, kayeye ni jui, anna, angwi ari nijui ti lelesi. ⁹ Wodo lodo neli lko modi ari ni, bo need modi agwini ri oluo, ¹⁰ Angwi iba olo na modi ni onuwe ra awiri konga nia esu awiri itilindi ori ri redwe zo nini. ¹¹ Ileri awi kenaro Greek pi jew bani imoronya kana, adi odum adi imoronya ko, bar baria(n). Senthia(n), Opi bani oduba kolo dule, li Kristo ra. ¹² Awile, esu ori ri epe ka niki, pelere angwi iye kana, oba loba aside oduta rina ra, aside e nedeto, aside aza nebi rinara, aside toboloka rinara, angwi aside ribinira. ¹³ Oluta olu nindasi. Olu ta lonyisi. Iya ala ocheriou modi ari ro, ba neyi lago nimbi esu angwi ri mini eyi zo nini. ¹⁴ Ngga ileki ra li, riye awi komberi ni ambaro. ¹⁵ Modo Kristo ri koro amiri aside ni. Modo ileni akwe amini ungweleni ru nalobe. Ikwe ifomi aka twe agwiro. ¹⁶ Kristo ri ari kolo aminia arinyaro. Li kongo awiri rini riro, angwi oto. Ta ro kafu fura si, ogoro, angwi ogogo oyuro ninda ri si. Nggo ogo aside ifomi nokwerisi ori ra. ¹⁷ Ngga miri owe kana li, ari ngga agwi Yesu ri rosi. Kwe ifomi ori atha ni awiri rosi. ¹⁸ Ami ikosi, ikwe agouki ni esu agwi ri ondozo nini. ¹⁹ Ami agosi, iyta amiri iko angwi nodo olo agosiko lobar a. ²⁰ Onyodo, kwe aru atiki ni adiki ro kogwo ileni kukwe agwi ri asidi kagwe amiro. ²¹ ami atha si nodo ri olu kodo rosuko, ²² Opii, ikwe aru amiri opie ni. Aru olori bani ri mini oro zo ko, ti aru olori kekwi aside nia. Kwe aru agwi rii. ²³ Ngga miri owe kana ra, ngga miri itilindi si agwi ni, bani ni ka. ²⁴ mi iniu odo naiero baka naie agwi ra lelesi ebo ileki nongga agwi Kristo ni. ²⁵ Modi olori kongga ngga ni jui ni angwi ka iri injui ni esu awiri ongga zo nini.