¹ Mondo ani inoni iya metwe omba adado amini na, naki ro oduba Laodicea na angwi alokwaro oduba adi onde mari anda ko kode mari ovi. ² Ma mongga eboni ani loba ri aside kozozi ai nizisi ofo nalobe riyesi angwi api nezisi koroni ashuri nara, ro neriro api konga ori ri na olori adi eive banini li konaniro. ³ Awira erou kongori abuwe aka. ⁴ Moyo ile ani modi ala kodo amini thinjuwi noyo ko. ⁵ Jo ma amiri andanda ke, ge ma amiro itilindia. Moka buni ani ande amiri olo ninda api amiri ambaro yubori Kristo ra. ⁶ Esu amiri Kristo angwi naiezo nini aweta awiro. ⁷ Iso amiri kwelela awira, kwe imba awira, idwe amiri yubo esu ami ninizo nini angwi efomi nokwe koga amiri thio tho. ⁸ Inde na modi ala ke olori kerori amini apiri ti lombasi api kalolo karo, esu egogori edezo nini, kenari budiri olo ni, angwi Kristo rina. ⁹ Kogwo awira ani ngga li kodi ori ra kolo ruru. ¹⁰ Nogata awisi, olori ombari li. ¹¹ Awira awi imurunya ami rimuruyasi oloro modi nani rina ko oloro ene eliri kale, ti rimurunya Kristo rina. ¹² Isi ami awiro batisomo wa, angwi awira ingga ami odale lelesi yubo ri ombasi ori ri olori ingga awi odale lelesi. ¹³ Iya ida amiri injuisi, angwi adi imurunya amiri ruko, lago komiari ami ni awira rowo ofo nalobe azi kutwe amiri inguwi ni. ¹⁴ Lago kowe mori ochi kana ari ruri ileki ni awiri upopisi. Lago ozi kale awi nepasi kruse di. ¹⁵ Lago ingaya omba pi oppiro azi keireri bani ni odele li, awiri opopi nepasi kruse di. ¹⁶ Awi ile modi ala kodo ami nozi ko onyale, kode ambule, kode amiri ini ngwio kode imba nonuwe ri efole kode ini sabbat ri si. ¹⁷ Ileki ngga evoba ri itindi idi- indana awi Kristo. ¹⁸ Kwe modi ala kodo amini ilili ko olori mina kobwa obwa angwi komiro olori komiru oyuro ninda ani kilili ami aga ako. Modi ovi ileniri kaka ko qui ngga awiri onde kana ra azi kofuri awiri rusi esu awiri riyeyezonini. ¹⁹ Lago oru dio ko. Kogwo di awi koro runi ni pi; komba ori ri okwe kana si. ²⁰ Iya ida Kristo ro ofonalobe, ani neieve olo ninda budi, angwi nolo buku ro ado budii. ²¹ Nodo budi ri ngga nolo ko, nondo obi ko, nodo olo ko ²² Ngga ileki li koko oko. Esu modi nani ri kako ko nokwe zo nini api awiri rini ro. ²³ Kakoko ileki kongoro ro ori ri eyo modi ri owe kana awini, angwi dijaro ruri olwa. Eivo ko ruri ovia.