¹ Paulo ocha Yesu Kristo ori ri ombasi, ongwi Timoteo ari adinga, ² Yubori ‘bani ni angwi adima yubori ka Yesu Kristo oduba kolo colossae. Qui azi edwe ari atha ori ri kolo amiro. ³ Mokwe ifomi ni ori ni, ari angwi Yesu Kristo ri atha ni, angwi ama momiri inili amini. ⁴ Ama meri amiri Yubou Yesu Kristo ra, angwi amiri riye ro bani ra aduba kolo odi ori ra lelesi. ⁵ Amiri riye ileni kogwo yono orwe kana amini oro. Ni yono ngga olori adi euwe amini ko ileni indi inda, ori ri eyo, ⁶ Olori eki amini. Ori ri eyo koki ridisi angwi koki ambasi budi li. Awi konggari amira ile kichulo ri ini amiri awiri eyo nerile, angwi nini ori ri qui indi inda. ⁷ Ini ori ri eyo olori nini Epaphras ra, ari Opiogo iye kanara, awi yubu ri opiogo Yesu Kristo ra olori igwa ah. ⁸ Epaphras okwe ani miri riyeu itilindia. ⁹ Kogwo riye ileni, icholo ini amari rerizosi adi mede romi lelesi ku amira. ¹⁰ Amari romi amini ani kokwe ami nawe angwi ri ovi si olori kukwe lago agwe ni. Ama momiri amini ani ori rari kidiri idi aminia angwi ani amiri o ududu kompa ori ri ari nia. ¹¹ Am momori ani nolo ambara esu awiri riku ri ombasi abole amiri esokanasi li api aside nebero. ¹² Ama momiri amini ani ikwe ifomi okwe loriyisi athani, olori okwe ningara ngga li santo ri ili nia. ¹³ Lago etwe ah modwenia lelesi, azi kufori ahni, nggwago ri opopia. ¹⁴ Nggwago ra lelesi, ekesu retweu, api ari injui neyiro. ¹⁵ Nggwa ileni, itindi ori ri otori olori adi okonde ko. Awi otti anyo ati ngga ori odwe kanani budi. ¹⁶ Awi si ngga lbidi budi odweu, oduba oro angwi oduba bua, odoba okonde ode angwi odoba okonde ko. Iya ososi, kode romomi, kode togila, kode, opopi, ile ki li odwe awisi angwi awini. ¹⁷ Awi awiri rosi awi attini ngga ileki ni angwi awira ngga ileki oru ofo nalobe. ¹⁸ Lago ru rid ii, Ori ri jo. Awi attini angwi awi otti anyo ati odania lelesi, awi ile lago ri ofo ati ngga ileki ra li. ¹⁹ Ori kolo agwesi kogwo ebo oduba ikori iko, ikori awire. ²⁰ Angwi romia nggwa go ri rasi li kolo awira ori odwe mondo, awiri eri ri ochusi kruse di ori omia ngga libido awira, iya ngga budiri, kode ngga ori ri. ²¹ Lau alasi, ami nolo eroru ori ni angwi awiri odudu ri ero opi sita ri emoro. ²² Ti ile nini lago uto ami li awiri rowo awiri odasi. Lago owe ile ani keive ami holo pelere, odo amini ari noto ko, angwi aka ami awiri andada, ²³ Iya nolo yubosi, kokwe nodwero amboro, kokwe ivo kale yono alokwa, ori ri eyo olori ininiri bani ni ori ri edwe kana budi. Ile ni ori ri eyo olori ma Paulo si mofori opiogo ro aka. ²⁴ Ile nini moka boni, mari aza nebesi amini, miga mori ruwa ngga oduba adi onggari ko Kristo ra, ani kiko li awiri ofo, awi ori jo. ²⁵ Ori ri joni okwe mari ololeni opiogo ro, esu atele nokwe zo nini ori ra lelesi amini ani miko ori ari. ²⁶ Ile ni ngga olori abwe kale kiki. Kiki to ki nnwe alokwa ri evole ti euive bani oduba yuboro awiro ni. ²⁷ Ti lobani ori kondo kenari aka, ani loba koni koroni riku ri abuwe kana bani imoronya kana ri aga gania, awi Kristo aminia, yono riku ri. ²⁸ Ileni awi ukozozwa awiri rusi. Ma ka bani li, angwi minini bani li, ani mer uwe loba twetwe Kristo ra. ²⁹ Awi ile mongga ngga ile ki ni awiri umbasi.