¹ Oduba ippe kanaka bouwa easu nyaa nikika eleki keyeye api ri rinne ri banny kappa easu eamoba iwa kanaka kaki niki leebithi. Loba kowje eleni ne anyi beya andu orri ri ru pi rinne rokodo rimuo wek. ² Nyaa oduba rinne ri banny apika keawewoka eleki kado loba nimenaku kobwo api adii. Kombo, andu loba konga eabu ne api ni anyo wo leebithi kopopeh ne toh. Kobwo rinne ri banny kappa oduuba eawoba azze iyie rika eleki ing ara loba api ri eab’u se. kinne rinne ne azze kenna ri nga kappa ne. billulego ne thoki azze billu le go lodo rina. Inne azze nenn ri nga kappa eleki ne titi. ³ Eya modi alla alobe kinne ri nga alla ne anyo dule azze ole aary rimba natha Yesu khristho ri oli kovwi-kovwi rina nane nakkahku angwi ole orri ri rinne nakkahku, ⁴ Lago diimbwere ri modi angwi onne nga allaku. Udud’una ri athu keway kung unga ri bombo ri arari angwi kokoko ri ari ne azze kojoja anyo, kothotha anyo, kombow pathapa ne anyo, kealeali ri lodo ninjwi ne anyo, ⁵ Azze kiru keazee ri kalongkalong ne banny ri agaga niah ilia wo ruw nochazo nyonyo ud’ud’u murunthu rika ro. Lob’a egwe thokithoki kale wo azze kiru loba keyeye ri oddo nguna leathy orri rin nanr leathy oloro long’e nabi neassuzo. ⁶ Elenini leathy orri rina riri rina ri ambamba miilongwe nethumgo. ⁷ Kobwo aah adi akeazee nga alla milil niah waku. Aah okonuu nga alla kale angweh d’oku. ⁸ Kombo, ikweta aah ri ethee koga thoo onya se anyo wo ratho rom eke se. ⁹ Kiru elenini wo api od’ub’a kondu kolow arinya ribaruka eleki odeh akka niah kale oho, reabi ro. Ioba od’eh mbembe nabi niah kale oho angwi ozwa ikakarjwa kale oho, angwi kovvo nga od’uba kokwe b’anny kegwe kale kaki niah anyo wo muwo ro. ¹⁰ Kobwo riyie long’e rina injwi kappa eleki ri kaka ri quelela leebithi. B’anny oduba od’iaka od’eh longe eleh kuse oleh ri kale bwo regeny ri lele se azze kiru easo api ri ruw kappa kale azaza nabi se. ¹¹ Ama me, modi nago orri rina eleni, wejo kale nga kappa eleki ra lele se. eabeh thokitho kio anyo, leath orri rina ro, regeny ro, riyie ro, aside ri ed’we ro, asid nizye ro. ¹² Eassi leassi nintha regeny rina anyo. Nuu ofo lidy rina nyonyo nane anyo oloro andda ungwe me aka, azze kiru nenna me ri rossu ne intharu wo aryi riba nabi kaki ri anda wo. ¹³ Ma meyuyuko ri me ne orri ri anda, oloro okwe nga leebithi kadady eleni, angwi khristho Yesu ri anda, oloro andda onga nga oloro thoki poso pilato ni: ¹⁴ Oddo, iruruka napa kodo ealyku eyobo odo imonyoku tokojo aahy nimba natha Yesu khristho ri eafule. ¹⁵ Kiru orri eleh andu koba auw ne khristho keafu dise lao nintha wo-orri, ifufura kana angwi awe te bulukago nagwi ne kakoko natha, ajju ri ossi oloro bulukago nagwi oppi rina kikoko ri oppi ne angwi rimba natha oloro korun opopi ne. ¹⁶ Lago alobe te oddaku ne angwi kichaka offo niah oloro ossee aka d’oku. Modi nago adi onddeh lagoku angwi onddeh lago d’oku oggo. Iwa ri lago ne iwa angwi ambana nyonyo wo. Amen (kolowle) ¹⁷ Enna arinya ri modi napa eleni ni kodo diimbere nob’aku, angwi kodo aside ningwi arinya kapa ra anyoku, od’uba wod’ia d’ini. Kombo, sona loba kingwi asidi orri ra anyo. Lago bo okwe aah ni arinya thokithoki rika leebithi anyi beya akeb’ebi anyo wo. ¹⁸ Enna loba ni anyi beya kowowe nintha anyo, anyi beya kokwe okwe, anyi beya keyeye ngare eyeye. ¹⁹ Kiru leathy elrni raw o, acho eleh andu loba korwe api ni eree nintha ne anyo wo nga eaki ri nane ni any beya eleh andu loba konuu lidy ri ofo ne turkuku. ²⁰ Timoteyo, iruruka nga andda okwe kana me ni eleni anyo wo. Ga mero eajo mbimbi rika eleki eambeh kalongkalong banny ri ruw nochochazoka eleki ro nga lodo azze ungwe ri oddo rinne. ²¹ Acho agoo alokwa kobbeh nga kappa eleki ne azze loba koba regeny ne anyo imbi. Thy quii kolow ammi ro.