¹ Nodo jalygo nimimid’ iku, kombo, iwo lago iwa anyo eya lago kede easu atha nini won a. iwa teto ne chiri iwa eya loba kede easu adii niki won na. ² Iwa jalyii niku iwa easu andeah niki angwi erebi niku (injonji) easu ambweah niki aside ri aggwy se leebithi. ³ Iloka eamboo iloka, eamboo oduba eamboo turkuku. ⁴ Ama eya eambo napa erebi ro na eyabo nya uwaria ro na, kinne loba ni orri nomyi anyo da athii anyi beya kenna loka napa apinga bah. Loba kongwi api ri athaa kappa andeah ro (api notheeba kaki), kobwo eleni kokwe orri ni lonya ni. ⁵ Ama eambo ne turkuku oggo oyee dule selu leebithi oggo nena napa ingwi awery aside orri ra anyo wo. Nena napa kassee azazio anyo wo daly leebithi angwi komomyiry ineego ta angwi ithu. ⁶ Kiru, modi izina oloro kololow lonya se eleni odda kale bwo, ju adi ge keyeyeju oddo adi awe kandandeh deya odda kale bwo. ⁷ Kwe kovwi-kovwi napa eleni kede Osuru, anyi beya oggo odo loba nimonyoku. ⁸ Ama eya modi alla alobe ole okwe awery odii kappa niku, keaga aweng bah rika kaki ni, acho kiru awe apeh regenyy kale oho angwi kiru injwi towe opeh injwina oloro adi eawoku nane toh. ⁹ Modi nizi oloro iwro ri easu eambo nini kuse kina gaa adi assa mudi aziaku, agona tea lobe. ¹⁰ Nene napa oggo onne eabu nintha kappa se, eyabo awe nena napa kimba ri erebi ne imba, eyabo ka iy ri omuu ne a iy, eyabo kujwe ri banny agagwyba eleki ri pa ne ujwe, eyabo king ara ri banny ippe kana bouwaka eleki ne ing ara, eyabo keabeh ri ruw ne eabeh eabu nintha kappa ra leebithi dedeh. ¹¹ Ama easu eamboo keadika eleki niki, nodo lobaeh niwro ibaby eamboo rina eleni raku ga eambe. Kobwo eya lobar i odia eanga kale bwo azze koga khristho ne eambe wo, loba kondu aly ne anyo wo. ¹² Leathy eleni raw o azze oleh loba ne muwo niah wo kiru kobwo loba oga kayuruka apina athii rina nane kale eambe. ¹³ Kiru lao napa eleni se wo, loba kiru onne abatha anyo wo azze kiru kikabang. Ari api ro bou ne kovvo b’ah ri lele b’ah nan era. Lob’a ab’atha ro duleku, ama angwi ruw ne anyo wo kiru, loba kujo ri nga oduba sona ojoku ne ango. ¹⁴ Kiru, eleni ra aly, anyi beya kothee erabi, angwi beya koru aruu angwi anyi beya kodo woring’e nokwe earoo ni anyi kodo idudunga aah seku. ¹⁵ Kobwo achobo alokwa ofu api ro anda setan ri buwa buka kale oho. ¹⁶ Eya modi nizi oloro eawo kale bwo eamboo ro na, nena napa king ara loba, anyi beya andu kachi kodo ochu bouwaku, anyi oggo kachi napa kiru kingara eamboo kappa turkuku eleki anyo. ¹⁷ Buluka agwii oduba koru opopi ne osursuka eleki yeyeka eamo ri anyo anyi kolow kapele ree, kepa api oduba kongonga ne ari se rinne roka eleki. ¹⁸ Kobwo booku kojo oddo, “nodo theiogo numbeku lao awery enya nuthozo eleni ra” ozze “eabu ri modi keamo ri awery miilong we ningwi ne anyo wo.” ¹⁹ Nodo rimang a na iy bulukago nagwi ra duleku eya nguna arei ri banny aka kapele ree eyabo naa na anyie. ²⁰ Enna rososu ribanny kappa eleki ri rososu kappa banny ri andanda leebithi anyi beya alokwa korow nga orow. ²¹ Ma ming ara ri me ne kayuyuko se orri ri anda khristho Yesu ro azze anjuluji eapeh kanaka eleki anyi beya niruruka kayuyuko kappa eleki nodo ovovwiku, angwi anyi beya nodo nga alla ri ovwi nowe anyoku riyie apina ra lele se. ²² Nodo inyongo de nola modi alla ri diioku yeye awena ra. Nodo modi alla ri rososu ning araku. Oggo iruruka meri ruw aggwy se anyo. ²³ Nodo iyi nombu anyo duleku. Kombo, akuw iwah anyo gah theeo angwi kobwo daly leebithi ge nombombwe. ²⁴ Rososu banny alokwa rika kiru opee kale angweh bwo onne kale oho, azze kiru laba kovvo api ri athathii wo lokiko. Ama kiru azze banny alokwa ri rososu kodeh buka wo. ²⁵ Eleni ra wo, eabu kappa ri alokwa opee kale bwo anqweh onone wo, ama ju alokwa pi row o olow rambwe se quwo.