¹ Eajo napa eleni ojo thoki acho oddo: eya alobe oloro odia na odeh anyi konffeh thobishop ri eabu anyo wo, ya acho kiru deya kago ri odia napa odeh eabu nintha wo. ² Eleni raw o, kiru bishop (anddeh natha) napa kodo rimonyo quwo. Oggo lago kolow izi alobe ri agoru anyo wo (kaly daly alobe anyo te). Oggo lago kolow wethowetho anyo, kata ri ata anyo wo, kobu putheh obu angwi ka iy omuu a iy angwi oggo lago konne rinne onne. ³ Oggo lago kodo eabeh iwa nombu anyo rapapee ako (kamotho ro). Angwi oggo lago kodo long’e niyieku. ⁴ Angwi oggo lago kimeh banny awenga bah ri kaki imeh osuruw azze kiru eleh andu awery erebi kappa kakkah ri lago ne wo arrow se leebithi. ⁵ Kobwo eya modi agona adi onne banny awenga bah ri kaki nimehku, ya kiru eleh andu lago kimeh ri orri ri kachi ne adadoh? ⁶ Achobo lago onwenaku ithotholonyale, anyi beya andu lago kodo ruw niwaka otha se angwi anyi kodeh muwo niah wo easu injwina nane rina nini. ⁷ Achoboangwi sona oryi lago oho intharu odeh quii ako nane raku angwi kodo od’eh waw lewale ninjwi nane raku. ⁸ Deacon kappa kede easu miilombaa niki, sona kararow, kodo ari nonga kapele reeku loba kodo iwa nombu towe abiruku eyabo kodo thoboronga noba long eku. ⁹ Loba kiruruka thokithoki regeny rina ri auw anyo yeye naggwy se. ¹⁰ Angwi okka loba ne anyo da athii, eyaadi easuu injwi loba raku anyi kiru kodo eabu nonga oba kobwo adi imonyo lobaku. ¹¹ Leathy napa eleni ra angwi iku piro ge kararow wo. Loba kodo olow kalonkalonk ribaruku. Loba kolow wethowetho ango angwi kegeny nga leebithi. ¹² Deacon oggo kolow izi alobe ri agoru anyo wo. Azze oggo loba kimeh ri api ri erebi ne Osuru wo banny bah ri kaki ro. ¹³ Kobwo api oduba onga eabu osuruka eleki acho deya eantheh api ni eddeh nintha oho angwi arrow ne thumogoro wo regeny oloro khristho Yesu ra nane se. ¹⁴ Ma miwro ri nga iki ne me ni angwi ma meyeyeju anyi meaki me ra chong ini. ¹⁵ Ama eya ma medidili oho, ma miwro ri anyi beya oggo me inne olow orri ri bah rina nane onne, kachi oloro orri lidy rina r inane, olury (chopa) azze kitheape ri thokithoki napa ne anyo wo. ¹⁶ Romia nintha awe auw orri ri thokithoki ebeatha kana nane rina thumogona towe: “lago e-owye ruwo, Anjiluji kiru onddeh ne wo, kiru obbeh nyigoo kappa eleki ri agaga wo, kiru milili eawo aka anyo wo, azze kiru angi lago ne orou wo akkuwo”