¹ Athii nga ni leebithi, ma melioko ri mozyi ne oddo, omyiryta, idanyata dei angwi ikweta piapia banny ni leebithi. ² Oppi ni angwi oduba kakoko rika eleki ni leebithi, anyi beya aah akolow lidya anyo wo angwi anyi beya akolow ngaly dini wo low orri ri ibetha kana eleni ra leebithi angwi anyi beya akolow kozye anyo wo. ³ Eleni inthana angwi bo akkah ri akkah aary karuruka natha orri ri andda. ⁴ Lago kiru okwe odia oruu banny leebithi anyi beya iruruka iruruka angwi anyi beya keavvo thokithoki napa none anyo wo kiru. ⁵ Kobwo oggo orri aka ablobe, angwi rithobolo ri modi agaga rina oka alobe orri pi ri agaga modi agona ro, modi agona napa awe khristho Yesu. ⁶ Kiru lago okwe awery ruw easu kobilogo nini iddale eleki ri kiw se leebithi, kede ease akaa nini lao nethoki napa ra. ⁷ Kiru kiw napa eleni se wo, ma ma ri ruw se, aba ma kovwi-kovwi nathara angwi eabebu kana gohgoh. Oggo ma menna ri thoki yo ma lodoku. Ma nyigoo eleki ri rinne natha regeny niah wo thokithoki ro. ⁸ Kiru eleni raw o, ma mondu agoo ne ofo se leebithi komyi romyi angwi kongi dei apika aggayba eleki oruo lodo seku eyabo ludiludi seku. ⁹ Easu eleni nini ma mondu iku katho meake api ri ruwo intharu, kozye dini angwi keanthe ruw eanthe. Juma kodo diibi nodweku, eyabo kodo oggyi (dakab) nobaku, eyabo kodo miyo nathoku, eyabo kodo meake oloro towe ogeh long’e nabi se nathoku. ¹⁰ Ma mondu loba katho nga oloro kododi iku kappa ni anyo oduba enena rossosu apika leathy orri ri ibeatha kana nane ra eabu nintha kaki se. ¹¹ Modi nizi eya inner i inne azze kabu angly azze kiru keanth ri awery ruw ne d’ehd’eh intharu wo. ¹² Ma adi makkah modi nizi rinneoku angwi ikoko modi nagoku (kodo ruw nithetheleku modi nago nikokoku), ama oggo nena napa kabu midi anyo. ¹³ Kobwo andda adamu okuw athii, azze kiru Eva wo. ¹⁴ Adamu andda adi iwowolo anyoku ama modi nizi andda iwowolo anyo azze kiru kossurussu ne wo. ¹⁵ Kiru ilia wo, nena napa eleh andu iruruka ri irurukaanyo wo erebi nothee se, eya loba kolow regenyo munyier anyone riyie ro azze aggwy udud’u ri abu ro ngaly dini.