¹ Paulo, Yesu khristho keab ebu ri anyo orri ri locheh se aary karuruka natha Yesu khristho aary aside ningwizo ini ro, ² Regeny napa ri gogo nethoki, Timoteyo ni: quiipi, aduta ro, azze motho orri atha ra lele se azze aary rimba natha Yesu khristho. ³ Easu andda ma ri me neliokozo nini anyi beya ewe kuse andda ma moki mak edonia, kiru me rinane assee Ephesu ilia anyo anyi beya niticha banny alokwa eleki kodo leathy nanthi alokwa ri ovwi nine anyoku. ⁴ Anygwi andu anyi beya loba kodo be niche thoku uddo kappa kaki ra lichoo kappa asseeba dokuka kaki ro. Eleki keazee ri rocheh ne anyo ingara orri ri kathothoro, oloro regenyzo naneku ⁵ Elenini wo kayuyuko napa ri rithothoro awe riyie aside naggwy ri lele se, yeye nintha ri lele se, anywi regeny nethoki ri lele se. ⁶ Kiru banny kappa ri alokwa eagwe kale auw napa ra lele se azze koleh ri apiro kale wo nga eleki ra lele se azze koleh ri momo ri aria anyo wo. ⁷ Kiru loba kondu anyi api kolow kokoko nine ribaru anyo, ama loba adi ikokoroku eya api kojo adunga ne na angwi ge loba inyakala aside ri edwe napa naneku. ⁸ Ama achobo aah akonone oddo kakoko inthana eya modi iruruka kakoko napa asuruna. ⁹ Eleni aah akonone, oddo kakoko napa eleni adi oba thokithoki ri modi ni anyoku, ama oba banny oduba kakoko akoka eleki ni banny oduba opa ri abbiruka eleki ro, banny oduba ole orrikuka ekeki ro, azze rossosu riba, angwi oduba orri akoka eleki ro angwi oduba diadia rika eleki piro. Kakoko oba banny oduba kidida ri api ri atheah ne andeah ro kaleka eleki ni, angwi banny oduba kiranya banny ne kale nyonyoka eleki ni, ¹⁰ Angwi banny oduba woroo eleki ni, angwi agoo oduba keb eba ri ruw ne dule agoo roka eleki ni, angwi banny oduba kacha banny ne thunyanya ri eabuwoka eleki ni, kaluluka riba ro, banny oduba koryi nga lodo rika nika eleki ro, azze kiru nga oduba kososu ri regeny ri kovwi-kovwi ne kaleka eleki. ¹¹ kovwi ini nini oloro dukina wi oba mara wana ini. ¹² Ma akwe pia khristho Yesu ni aah nimba natha ne. lago kiru okwe ma azyi osuw, kobwo lago eyeye ma kiru okwe moga thoo regeny se wo, azze kiru lago koba ma ne eabuwo wo. ¹³ Acho ma andda kamena natha, angwi, kangongo natha, angwi ma anna ri modi. Ama acho deya ma maiy aduta napa kobwo andda anga eabu napa dwo dini regeny ako adi anneku. ¹⁴ Ama deya kiru aah nimba natha ne ri quii oguru yalala regeny napa ro azze riyie khristho Yesu ra nane. ¹⁵ Azwe napa ini acho turkuku angwi kawo ri leebithi akkah ri akkah, oddo khristho Yesu eaki milili niah wa anyi beya kiruruka banny rossuba eleki ma kiru mosu ossu opeh eleki toh. ¹⁶ Ama kobwo kiru kiw napa eleni se wo azze okwe ma ni aduta ne wo, anyi beya mara wa, agagwi keaki ma ni athii, azze khristho Yesu kithotholunya ri banny kappa ing ara kanaka eleki ne leebithi wo. Lago owe eleni anyi kenna kappa oduba andu koberi awe ra lidy napa eassa r inane raka eleki ni. ¹⁷ Kiru elenini ajju ri ossi kiikiikiikii rina eleni, muruthu ako, onddeh doku, orri te ba iwa azze kakku nyonyo azze nyonyo. Amen. ¹⁸ Ma moba kayuyuko ini ne me ri anda; Timoteyo, ma ri ngwa, kede easu miah riba ri oba kana andda athii me ri kiw se nane nini, oddo oggo andu me neasi ri leasi nintha ne anyo, ¹⁹ Run regeny dea anyo yeye nintha ro. Kiru eleni noga se embe wo, azze kiru roggo kango alokwo ro regeny napa apina nan era. ²⁰ Alokwa kaki hymenaeuba azze alokwa alexandriaba, oduba ma akwe andda setan ni anyi beya oggo inne loba ni anyo wo kodo emena quwo.