¹ Pitxit-iela, obei zot papa-iela lasu Sẽiẽ,a pusa li jix. ² "Hespete u papa i u mãmã"sa a phõmi zod espesial ke phõmes, ³ Pu u hete biẽ,i pu gãiẽ lavi lõn lasu late". ⁴ I zot,papa-iela,pa sase fe zot pitxit-iela hete kole.Ãvã,leve ie la djisiplin i kõnetmã dji Sẽiẽ. ⁵ Esklav,obei zot met dji tehẽ-iela ke hespek i ke pe,i onet dji zot txo.Zot obei ie,kõsa kumã zot ka obei jezi. ⁶ Zot obei pa selmã tã zot ;met-iela ka veie,dji mãiẽ fe li hete kõtã.Pu sa ki pa fiam dji sa,zot obei kumã esklav dji Jezi khi , sa ki dji tut so txo ,li volũte dji Bõdje. ⁷ zot thavai ke tut zot txo , kumã pu Sẽie , i nõ mun -iela , ⁸ pase no save ki , pu nẽpot bõ thavai ki xak mun ka fe , ke husuve un hekõpãs dji Sẽie , mem si a un esklav o un mun ki liv . ⁹ i zot , sẽie-iela , zot fe sa mem bagaj-iela pu zot-esklav-iela , sã menas .Zot save ki Sa ki a ie Sẽie i zot li lahosiel ,i li pa gãiẽ sa ki li pi kõtã . ¹⁰ Ãfẽ , zot hete fo la sẽie i lãdã fos dji so puvua ¹¹ Zot abie dji tut sa zam ki Bõdje gãiẽ , pu zot puve sipote sa ki djiab-la phuepahe . ¹² Pase zot batai a pa kõt laxe i djisã, mẽ kõt tut fos dji lesphui dji mal-la dji sa tã ki ĩvisiv -la , kõt tut autohite dji sa tã dji suku , kõt lesphui dji mal ki ka viv lãdã sa hejiõ ki ãle . ¹³ Pu sa , abie zot ko ke tut zam dji Bõdje , pu zot gãiẽ kapasite dji sipote la ju ki mal , kã zot finĩ fe tut sa , hete fiam. ¹⁴ Ẽbe , hete fiam , aphue ki zot mete sẽtxe dji lavehite , i *couraça dji justxis . ¹⁵ Fuhe la zot pie phuepahasiõ pu phoklamẽ evãjelio dji paz. ¹⁶ lãda tut mumã zot phã *escudo dji ispua , ke sa zot ke puve finĩ ke tut flex ki ka phã djife dji elmĩ-la . ¹⁷ I zot mete xapo dji photesiõ dji sauvasiõ-la ispad ji lesphui ki a pahol dji Bõdje . ¹⁸ ke tut phuie i dumãde , zot phuie tut , tã lãdã Lesphui-la , pu ki tut tã zot hete ka veie i zot pa dezanimẽ zot phuie pu tut khetxẽ-iela . ¹⁹ Zot phuie osi pu mo , pu li bai mẽsaj pu mo kã mo ke luvui i fomẽ mo bux . Phuie pu ki ke plezi, mo fe lavehite ki sehe-la hete kõnet . ²⁰ A pu evãjelio-la ki mo sa un hephuezẽtã la phuizõ , di mãiẽ ki, la phuizõ mo puve koze ke boku kuhaj , kumã mo djivet koze. ²¹ Txikiko, fue ki mo kõtã i bõ siavito lãdã sẽie , ke zot tut hete kõnet tut , pu osi save sa ki mo ka fe i kumã mo fika. ²² Mo voiel pu zot ke sa thavai-la, pu ki zot save a no hespek, i pu ki li thãkilize zot txo ²³ ki paz-la hete ke fue-iela , i kõtãtmã ke ispua dji bo dji Bõdje , no papa i dji jezi khi . ²⁴ Ki ghas-la hete ke tut sa-iela ki kõtã no Sẽie Jezi Khi ;ke un kõtãtmã ki pa ka jẽ muhi.