¹ Jehova uleendelezya; muleke nyika ikondelelwe; muleke nyika zyakunkomwe zisekelele. ² Mayoba amudima zilimuzyungulukide. Bululami akubeteka kubotu nintalisyo yachuuno chakwe chabulemu. ³ Mulilo ulayinka kunembo lyakwe alimwi ulanyonyoona basinkondonyina kumabbazu woonse. ⁴ Lulabi lwakwe lulamunika nyika yoonse; nyika ilabona akuteketa. ⁵ Zilundu zilayeemuka mbuli nzuka kunembo lyaJehova, Mwamiwanyika yoonse. ⁶ Majulu aamba bululami bwakwe, alimwi manyika woonse alabona bulemu bwakwe. ⁷ Boonse bakomba zitoombe zyakabezwa bayoofwisigwa nsoni, aabo balikankayizya muzitoombe zitagwasyi - amukavundame kulinguwe, moonse inywe nozileza! ⁸ Zayoni wakamvwa alimwi wakabotelwa, amadolopo aaJuda akakondelelwa akaambo kamilawu yako yabusalali, Jehova. ⁹ Nkaambo webo, Jehova, ulisumpukide kwiinda nyika yoonse. Ulisumpwidwe kwiinda baleza boonse. ¹⁰ Nywebo nimuyanda Jehova, musule bubi! Ulakwabilila mawumi aabasyomekede bakwe, alimwi ulabagwisya kuzwa kujanza lyabasizibi. ¹¹ Mumuni ubyalilidwe aabo baluleme alimwi lukondo nduwabo aabo bali aamyoyo iisyomekede. ¹² Amukondelelwe muliJehova, nywebo nimululeme; alimwi mukape kulumba aawo mwaakuyeeya busalali bwakwe.