Kumupati wasikwimba; wakabambwa muchimbo cha Gititi. Intembawuzyo yabana balombe ba Kkola. ¹ Mbuyandisi buti busena mbokkala, Jehova wamakamu! ² Ndiyandisya kumbuuwa zya Jehova; chiyandisyo changu kulinchicho nchandipa kumana nguzu. Moyo wangu azyonse zili alindime zichita Leza upona. ³ Nikuba sikampelezya walijanina ng'anda akayuni kalijanina chisaba awo mpalazina bana bakwe afwifwi achipayililo chako. Jehova wamakamu, Mwami wangu, alimwi Leza wangu. ⁴ Balilongezezegwe abo bakkala mung'anda yako; balakulubayizya lyoonse. Selah ⁵ Ulilongezezegwe muntu ulanguzu mulinduwe, mumoyo wakwe kuli nzila mpati kusika ku Ziyoni. ⁶ Mbuli mbubayinda mu Musena wa Misozi ngubachita busena bwatusawu. Imvula ntanzi ilayivumba azilongezyo. ⁸ Takukwe umwi wezyanisya nduwe akati kabaleza, Mwami. Takukwe zichito zilimbuli zichito zyako. ⁹ Zisi zyoonse nziwakabumba ziyosika akukukotamina kunembo lyako, Mwami. Bayolemeka izina lyako. ¹⁰ Nkambo uli mupati alimwi uchita zintu zigambya; webo biyo uli Leza. ¹¹ Ndiyiisye inzila zyako, Jehova. Eelyo ndinoyeenda mukasimpe kako. Jatanisya moyo wangu kuti ukulemye. ¹² Mwami Leza wangu, Leza wangu, ndiyokudundiizya amoyo wangu woonse; ndiyolemya zina lyako kwalyoonse. ¹³ Nkambo chizuminano chako nchipati chili syomekede; wakavuna buumi bwangu kuzwa kunikide nikide kulufu. ¹⁴ Leza, basikamikami bandibukila. Kabunga kabalumi bapilingene bayanduula buumi bwangu. Takwepe nibakuyeeya. ¹⁵ Pesi webo, Mwami, uli Leza siluse asiluzyalo, utafwambani kunyema, alimwi siluyando lutamani alimwi ulisyomekede. ¹⁶ Chengunukila kuli ndime akuba aluse alindime; mupe nguzu mulanda wako; futula mwana mulombe wamulanda wako mwanakazi. ¹⁷ Nditondezye chitondezye chakundiyanda. Eelyo aabo bandisula bayochibona mpawo bakafwisigwe bweeme nkambo webo Jehova, wakandigwasya mpawo akundumbulizya.