Lwimbo. Intembawuzyo ya Asafu. ¹ Leza, utawumunisyi! Utatufutatili swebo alimwi utasunzulusigwi, Leza. ² Langa, basinkondonyokwe mbobachita lupyopyongano, alimwi abakusulide banyamuna mitwe yabo. ³ Bakaza atala abantu bako akubamba antomwe aatala ambokwabilide. ⁴ Bakaamba kuti, ''Musike, alimwi tubalobye mbuli chisi. Mpawo izina lya Izilayeli talikoyoyeeyegwa limbi.'' ⁵ Balabamba antomwe amuzezo omwe; bakachita chizuminano aatala anduwe -- ⁶ Mateente a Edomu antomwe aba Isyumayeli, baku Mowabbu antomwe aba Hagilitisi, ⁷ Gebbalu, Amoni, Amalekki; alimwi antomwe aba Filisitiya abakkali baku Taya. ⁸ Asiliya alakwe wakajatana ambabo, baba kuboko lwakulunyungu lwa Loti. Selah ¹⁰ Luyando lwakwe ltamani abusyomesyi zyaswanana antomwe, bwamu alumuno zyamyontana. ¹¹ Busyomesyi bulamena kuzwa munyika alimwi bululami bulalanga aansi kuzwa kujulu. ¹² Iyi, Jehova uyopa zilongezyo zyakwe zibotu, alimwi nyika yesu iyozyala zilyo zyayo. ¹³ Bululami buyoyinka kunembo lyakwe akuchitila ndyasyo zyakwe inzila.