Intembawuzyo ya Asafu. ¹ Leza, masi aabazwa kule asika mulukono lwako; basofwazya chikombelo chako chisalala; Jelusalemu bawusandwida muzitantaala zyamatongo. ² Mitunta yabalanda bako, biipa kubayuni bakujulu mbuli zilyo, mibili yabasyomesi biipa kubanyama baansi. ³ Batila bulowa bwabo mbuli manzi chakuzyunguluka Jelusalemu, alimwi tekwakali uubazika. ⁴ Twaba masampu aaba simabambanwa besu, twaweelwa kusampawulwa kuli babo batuzyungulukide. Kuyosika lili, Jehova? ⁵ Sena unokkede konyemede kwalyonse? Kuyosika lili lunyemo lwabbivwe lwako kaluumpa mbuli mulilo? ⁶ Tila bukali bwako aamasi aayo aatakwizi pe mpawo aabwami oobo butayiti zina lyako. ⁷ Nkaambo bazapawula Jakobbu akumwayuula myunzi yakwe. ⁸ Utayeeyi zibi zyaba syanene besu alindiswe; nchito zyaluzyalo lwako aazisike kuli ndiswe, nkaambo tuli wizuukide loko. ⁹ Tugwasye, Leza walufutuko lwesu, nkaambo kabulemu bwazina lyako; tufutule akubelekela zibi zyesu nkaambo kazina lyako. ¹¹ Pesi bantu bangu tebaka swilizya kumajulu angu, Izilayeli takandilemeka pe. ¹² Aboobo ndakabapeda kunzila zyabo zyabu sichinguni kuti bachite ezyo nzibabwene kuti nzibotu kuli mbabo. ¹³ Akaka, kuti bantu bangu bandiswilizye; kuti bantu bangu benda munzila zyangu. ¹⁴ Elyo njogwisya chakufwambana basinkondonyina alimwi njosandula kuboko kwangu kubadyamizyi babo. ¹⁵ Akube kuti abo basula Jehova basosoloke mukuyoowa kunembo lyakwe! Ngabakafwinsigwe kwalyoonse. ¹⁶ Ndiyosanina Izilayeli a witi unantikene, ndiyokukkutya abuchi buzwa mubbwe.''