Intembawuzyo ya Asafu. ¹ Amumvwe njiisyo yangu, nobantu bangu, muswilile majwi akumulomo wangu. ² Ndiyowasamununa mulomo wangu, mutulabiko; ndiyoyimba aatala azisisikene zyachiindi. ⁴ Jehova Leza wamakamu, kuyoba lili konyemedele bantu bako nibakomba? ⁵ Wakabasanizya chibbuubbu chamisozi akubapa misozi myiingi kuti banywe. ⁶ Wakatuchita chimwi chibotu chakuzyania aacho kuli ba simabambanwa besu, alimwi basinkondoma balatuseka aakati kabo. ⁷ Mpawo bayobika bulangizi bwabo muli Leza akutayoluba milimo yakwe pesi kubamba milayizyo yakwe. ⁸ Eelyo tabakoyokozyania aba sikale babo pe, bakali zyalane likatazya akupapila, zyalani lyakali amyoyo iitaluleme pe, alimwi myuuya yabo teyakali lipedelede pe akutasyomeka kuli Leza. ⁹ Ba Efulemu bakapakatide amatu, pesi bakabweeda musule mubuzuba bwankondo. ¹⁰ Tebakabamba chizuminano pe a Leza, alimwi bakakkaka kulemeka mulawo wakwe. ¹¹ Bakaluba milimu yakwe, zintu zigambya eezyo nzyakabatondezya. ¹² Bakaluba zintu zigambya ezyo nzyakachita kumenso abasikale babo munyika ya Ijiputi, munyika ya Zoyani. ¹³ Wakanduula lwizi akubazubusya; wakayimikizya maanzi mbuli bulambo. ¹⁴ Isikati waka beenzya ajoba mpawo busiku boonse amumuni wamulilo. ¹⁴ Bweeda; Leza wamakamu, langa aansi koli kufulu akubona akubamba saansa eeli. ¹⁵ Ooyu muyanda ooyo luboko lwako lwalulyo ndulwakazikila, chisyuukila eecho nchowakazuzya. ¹⁶ Lyakawumpwa akugonkelwa aansi; baloba nkambo kakutapatila kwabo. ¹⁷ Nekubaboobo bakinkilila kunembo kukumubisizya, kabapapila aatala aa Uusumpukide Loko munkanda. ¹⁸ Bakazundikizya Leza mumyoyo yabo kukukumbila zilyo kukuzulizya kusukama kwabo. ¹⁹ Bakakalalila Leza,; bakaamba kuti, ''Sena Leza ulakonzya kutubambila tebuli munkanda na? ²⁰ Bona, nakawuma indomba, maanzi akatuntumuka atulonga twakeeta. Pesi ulakonzya kupa chinkwa alubo na? Sena ulapa bantu bakwe nyama?''