Njamupati wabasikwiimba; Ulazyakwimbilila zyantambo. Intembawuzyo, ndwiimbo. ¹ Kwanoli Leza watubeda aluse akutulongezya akuchita busyu bwakwe kuti bumweeke alindiswe Selah ² kuchitila kuti inzila zizibinkane munyika, lufutuko lwako akkati kamanyika woonse. ⁴ Yimbila Leza! Yimba intembawuzyo kuzina lyakwe! Tembawula oyo ugeede mumisena yamumpata yamulonga Jolodani! Jehova ndizina lyakwe! Mubotelwe kunembo lyakwe! ⁵ Wisi wabamuchaala, mubetesi waba mukamufu ngu Leza uli mubusena busalala mwakkala. ⁶ Leza ubikka basimukkala alikke mumpuli; ulaangununa baangwe anyimbo; pesi basimutala bulaye balakkala munkanda. ⁷ Leza wakatulongezya, amamanino woonse anyika amupa bulemu. ⁹ Webo, Leza, wakatuma imvula nyiingi; wasimya lukono lwako nilwakawizuuka. ¹⁰ Bantu bako bakakkala mumo; Iwebo, Leza, wakapa kuzwa mububotu bwako kubantu bafwaba. ¹¹ Imwami wakapa malayilile, eelyo aabo bakawambilizya yakali nkamu mpati yaba silumamba. ¹² Baami babasilumamba bachija, bachija, banakazi balindide kumaanda balaabana zisalo: ¹³ imababa anziba avumbidwe ansiliva, imilimba yayo angolida injenjema. Pesi bamwi banu nobantu balala akati katanga lyambelele. ¹⁴ Simanguzu woonse wakamwayiisya baami okiya, kwakaba mbuli nekwakawa sikunkwe kuchilundu cha Zalumoni. ¹⁵ Chilundu chipati nyika yachilundu ya Bbasyani; chilundu chilamfu ninyika yachilundu ya Bbasyani. ¹⁶ Nkamboyi nemulanga chabbivwe, iwebo yonyika yachilundu, kuchilundu Leza nkwayanda kuyokkala? Nchoonzyo, Jehova uyokkala mulinchicho mane kukabe kutamani. ¹⁷ Nkalaki ya Leza zili zyuulu zyobile, zyuulu atala azyuulu; mwami ulakkati kazyo mubusena busalala, mbuli ku Sinayi. ¹⁸ Wakatanta mujulu; wakazulwida bazike; wakatambulazipo akati kabantu nekuba kulaabo bakali kukulwisya, kuchitila kuti, Jehova Leza, akonzye kukkala nkuko. ¹⁹ Alonhgezegwe mwami, utubwezela mitolo yesu abuzuba, Leza uli ngonguwe lufutuko lwesu. Selah ²⁰ Leza wesu n gu Leza ufutula; Jehova ngonguwe mwami ukonzya kutuvuna kuzwa kulufu. ²¹ Pesi Leza uyowuuma akkati kamitwe yabasinkondonyina, akati kamasusu amitwe yabaabo beenda kabam mubisizya. ²² Mwami wakati, ''Ndiyobozya basinkondoma kuzwa ku Bbasyani; ndiyobaboozya kuzwa mumunzi malamfu amulwizi ²³ kuchitila kuti mukabanyonyoone basinkondonyokwe, kuyobbizya zituta zyanu mubulowa, akuti ndimi zyababwa banu zikajane chaabilo kuzwa kuli basinkondonyokwe. ²⁴ Bakabona meendelo aako, Leza, Imendelo a Leza wangu, mwami wangu, mubusena busalala. ²⁵ Basikwiimba mbibeenda kunembo, basituntimbwa mbibatobela, mpawo akati kuli basimbi batakwetwe bawuma nsaka. ²⁶ Amulongezye Leza muzibunganino; mutembawule Jehova, inywebo noba mumbungano ya Izilayeli. ²⁷ Kuli Bbenjamini mutaanzi, mukowa muniini, mpawo bazuluzi baku Zabbuloni aba zuluzi ba Naputali. ²⁸ Leza wenu, Izilayeli, walayilila nguzu zyanu; mbuli mbwaka ziyubununa kuli ndiswe nguzu zyako, Leza mbuli m bwakaziyubununa muzyiindi zyakiinda . ²⁹ Yubununa inguzu zyako kuli ndiswe kuzwa kuntempele yako ku Jelusalemu, ooko baami nkuubeta zipo kuli nduwe. ³⁰ Kalala munkondo yabanyama bamusokwe bakkede mumatete, kubantu, kumatanga abapaule bang'ombe a tunamani. Bawusye nsoni ubachite kuti bakweetele zipo; bamwaye bantu bayanda nkondo. ³¹ Bana balombe babaami bayoozwa mu Ijiputi; Kkusyi uyofwambana kutambika kuboko kwakwe kuli Leza. ³² Mwimbile Leza, inywebo nozisi zyamunyika. Selah Mwiimbe ntembawuuzyo kuli Jehova, ³³ kuli yooyo ugada ajulu lyamajulu, liliwo kuzwa zyiindi zyansiku, langa, unyampula jwi lyakwe anguzu. ³⁴ Amupe nguzu kuli Leza, bulemu bwakwe bulatala lya Izilayeli, anguzu zyakwe zili kumajulu. ³⁵ Leza, ulayoosya mubusena bwako busalala; Leza wa Izilayeli--uupa bukozu anguzu kubantu bakwe. Ngalongezegwe Leza.