Kumwami wabasikwimba; lwabikwa kuli Syusyani Eduti. Lwimbo lwa Devidi, lwakuyiisya;nakali kulwana aba Alamu Nahalayimu aba Alamu Zobba, a Jowabbu nakaboola akujaya zyuulu kkumi azibili zyaba Edomu mumumpata wa Mwinyo. ¹ Leza, watutanda; watyolola kwindila mukwimininwa, kwesu; wakalinyemede; tuboozye lubo. ² Wachita kuti nyika ikankame; wayiyanduula; silika ng'azi zyayo, nkambo ilokuteketa. ³ Wachita kuti bantu bako babone zintu ziyumu; watuchita kuti tunywer wayini udadalisya. ⁴ Nkambo kulibaabo bakulemeka, wababikila ndembela yakuti batondezegwe aabo babwezede maatu. ⁵ Kuchitila kuti abo mboyanda ubavune, tuvune ajanza lyako lyalulyo akutusandula, ⁶ Leza wakambuula mubusalali bwakwe, ''Ndiyokondwa; ndiyopambukanya Syekkemu akwabila mumpata wa Syakkoti. ⁷ Giliyadi nguwangu, a Manase nguwangu. Efulemu alakwe ningowani yangu; Juda musako wangu. ⁸ Mowabbu nchisambilo changu; atala a Edomundiyowaala nsangu zyangu; Ndilonzomoka chakuzunda nkambo kaba Filisitiya.'' ⁹ Ngwani uyondeta mumuunzi muyumu? Ngwani uyonditola mu Edomu? ¹⁰ Pesi webo, Leza, twakakutakata na? Tokotusindikila mumpi yesu. ¹¹ Tugwasye akkati kabasinkondoma, nkambo kugwasya kwamuntu nkwabuyo. ¹² Tuyozunda alugwasyo lwa Leza; uyolyatawula basinkondoma aansi.