Chaandano 149
1
Mutembawule Jehova. Mwiimbe kuliJehova lwiimbo lupya; mwiimbe ntembawuzyo yakwe mumbungano yabasyomekede bakwe.
2
Ikaka Izilayeli ngabotelwe muliwoyo wakabalenga; bantu baZiyoni ngababotelwe mumwami wabo.
3
Ngabatembawule zina lyakwe akuzyana; ngabayimbe ntembawuzyo kulinguwe azyakulizya.
4
Nkaambo Jehova ubotelwa mubantu bakwe; ulemeka babombe alufutuko.
5
Ibasyomekede ngabakabotelwe mubulemu bwakwe; ngabakayimbe chakukondwa aamalo aabo.
6
Ikaka ntembawuzyo zyaJehova zikabe mumilomo yabo apanga libosya koonse koonse mujaanza lyakwe
7
kukulwania zisi anchito zyakusubula kubantu.
8
Bayoowanga bami babo amakketani ababombe babo azyaanzyo zyabutale.
9
Bayoochita lubeteko lulembedwe. Oolu luyooba lulemeko lwabasyomekede bakwe. Tembawule Jehova.