Kumupati wabasikwiimba. Intembawuzyo ya Davida. ¹ Jehova kondivuna kuzwa kuli ba sizibi; kondikwabilila kuzwa kubaalumi basinkondo. ² Bala bamba bubi mumyoyo yabo; balabusya nkondo mazuba woonse. ³ Malimi aabo alachisa mbuli nzoka; buyoka bwanzoka buli mumilomo yabo. Selah ⁴ Kondibamba kuzwa kumaanza amubi, Jehova; kondikwabilila kuzwa kubaalumi basinkondo aabo babamba kundijaya. ⁵ Balisumpula bandibikkila chilebyo; bakwazamuna kansabwe; bandibikkila kakkole. Selah ⁶ Ndakati kuli Jehova, ''Nduwe Leza wangu; koswilila nendikwilila luzyalo.'' ⁷ Jehova, Mwami, Nduwe singuzu ulakonzya kundivuna; ulakwabilila mutwe wangu mumazuba ankondo. ⁸ Jehova, utabapi kupekeezya kwabo basizibi; utalekeli kwenda kwabo kuti kuzwidilile. Selah ⁹ Aabo bandizyungulukide bamuusya mitwe yabo, kwamba kwamilomo yabo nkubi kubavumbe. ¹⁰ Amuleke malasya mapya abawide, bawale mumulilo, mumulindi utagooli, tabakoyobuka limbi. ¹¹ Akube kuti bantu bandimi batabi alukwabililo aanyika; ibubi ngabumuvwime mwaalumi sinkondo bamuume afwe. ¹² Ndilizi kuti Jehova ulatonga chakubayanda bapenzegwa alimwi akuti ulabapa lwaangunuko babula. ¹³ Nchobeni baluleme bayoopa kulumba kuzina lyako; ibaluleme bayopoena mubuliwo bwako.