Yamupati wabasikwiimba. Intembawuzyo yaDeviti. ¹ Jehova wakandilingula mpawo ulindizi. ² Ulizi nindikkala aansi anindinyampuka; ulamvwisisisya mayeeyelo angu kuzwa kule. ³ Ulalanga nzila yangu akulala kwangu; ulizizi nzila zyangu zyoonse. ⁴ Kakutanaaba jwi aalulimi lwangu, ulizi chakumaninina, Jehova. ⁵ Kusule lyangu akunembo lyangu ulindizyungulukide alimwi ulabika kuboko kwako aalindime. ⁶ Luzibo lulibobu ndwiingi loko kulindime, lulimujulu loko alimwi nsikonzyi kulusikila. ⁷ Nkuukuli nkwenga ndaya kuzwa kumuuya wako? Nkokuli nkwenga ndachijila kuzwa kubuliwo bwako? ⁸ Na ndstanta kuya kumajulu uliko; na ndachita bulo Mukabanda, bona uliko. ⁹ Na ndawuluka amababa aachifumo akuyokkalal kubunike bwazimpanzizyalwizi, ¹⁰ nikuba ooko kuboko kwako kuyondizulwida, kuboko kwako kwachilisyo kuyojatilila aalindime. ¹¹ Na ndakati, ''Nchobeni mudima uyondivumba, imumuni uyoba mansiku kuindime,'' ¹² nikuba mudima tukoyosiya kulinduwe. Mansiku ayomunika mbuli sikati, nkaambo mudima amumuni zyobile zilakozyania. ¹³ Wakalenga zyamukati kangu; wakandilenga mukazyalilo kabaama. ¹⁴ Ndiyokulumbayizya nkaambo ndakalengwa ziyoosya alimwi zigambya. Milimu yako ilagambya. Muuy awangu ulizizi kabotu eezi. ¹⁵ Mafuwa aangu takasisidwe kuzwa kulinduwe nindakalengwa munsikswa, nindakalengwa bunonoono mubunike bwanyika. ¹⁶ Wakalindibwene mukati kakazyalilo; mazuba woonse ngepedwe akalembwa mubbuku lyako nekuba lyakasanguna kalitanaachitika. ¹⁷ Mibotu biyeni miyeyo yako kulindime, Leza! Myiingi biyeni kukwiiswanizya! ¹⁸ Na ndeezya kwibala myiingi kwiinda muse mumweelwe. Nebuka, ndichili anduwe. ¹⁹ Niinga kojaya basizibi luzutu, Leza; muzwe kulindime inywe nobaalumi basinkondo. ²⁰ Balakupandukila akuchita chalweeno, basinkondonyokwe balaamba chakubeja. ²¹ Nsibasuli na, Jehova, aabo bakusula? Nsibaseki na aabo bakubukila akukulwanisya? ²² Ndabasua chakumaninina, bakaba basinkondoma. ²³ Ndilingule, Leza, uzibe moyo wangu; ndisunke uzibe miyeyo yangu. ²⁴ Langa na kulinzila mbi mulindime, ndizulwide kunzila iitamani.