¹ Pa kulumba kuli Jehova, nkambo mubotu, chizuminano chakwe chakusyomeka mpuchili akutamani. ² Izilayeli ambe kuti, ''Chizuminano chakusyomeka mpuchili akutamani.'' ³ Muleke ng'anda ya Aloni yambe kuti, ''Chizuminano chakwe chakwe chakusyomeka mpuchili akutamana.'' ⁴ Muleke batobela chakuyowa Jehova baambe kuti, ''Kusyomeka kwachizuminano chakwe takweeli.'' ⁵ Mukupenga kwangu ndakakwilila Jehova; Jehova wakandisandula alimwi wakandangununa. ⁶ Jehova ulambebo; nsikoyoyowa pe; ninzi chinga chilandi chita muntu? ⁷ Jehova ulikubbazu lyangu mbuli mugwasyi wangu; njolanga chakuzunda kuli basinkondoma. ⁸ Nkubotu kujana chiyubilo muli Jehova kwinda kusyoma muntu. ⁹ Nkubotu kujana mayubilo muli Jehova kwinda kusyoma kumwana mulombe wabami. ¹⁰ Nyika zyoonse zilindizyungulukide; muzina lya Jehova ndiyobazunda. ¹¹ Bakandizyunguluka; iyii, bakandizyunguluka; muzinz lya Jehova ndiyobazunda. ¹² Bakandizyungulukila mbuli nzuki; balazima kufwambana mbuli mulilo mumamvwa; Muzina lya Jehova ndazizunda. ¹³ Bakandilwisya kuti bandiwisizye aansi, pesi Jehova wakandigwasya. ¹⁴ Jehova ninguzu zyangu alimwi ndukondo lwangu, alimwi nguwe undifutula. ¹⁵ Kwamvwigwa ijwi lyakusekelela kuzunda muzilawo zyabaluleme; ijanza lyalulyo lyaJehova lyazunda. ¹⁶ Ijanza lyalulyo lya Jehova lyasumpulwa; ijanza lyalulyo lyaJehova lyazunda. ¹⁷ Nsikoyofwa, pesi kupona alimwi akwambila milimu mibotu ya Jehova. ¹⁸ Jehova wandisubula buyumuyumu, pesi takwe nandipedekezya kulufu. ¹⁹ Ndijulila milyango yabululami; ndiyoyinjila alimwi ndiyopa kulumba kuli Jehova. ²⁰ Oyu mulyango wa Jehova; baluleme banjila alinguwo. ²¹ Ndiyopa kulumba kulinduwe, nkaambo wakanditaba, alimwi wakaba lufutuko lwangu. ²² Ibbwe ndibakasowa bayaki ndilyo lyakaba mutwe wachooko. ²³ Oku nkuchita kwaJehova; zilakondayizya kumenso esu. ²⁴ Eeli ndimwi lyamazuba Jehova wakachita; tuyosekela akukondwa mulindilyo. ²⁵ Ikaka, Jehova, tupe kuzunda! Ikaka, Jehova, tupe kuzwidilila! ²⁶ Uli achoolwe oyo usika muzina lya Jehova; tulakulongezya kuzwa mung'anda yaJehova. ²⁷ Jehova ngu Leza, alimwi watupa mumuni; amwange tukole kumeja achipayililo. ²⁸ Nduwe Leza wangu, alimwi ndiyopa kulumba kulinduwe; nduwe Leza wangu; ndiyokusumpula. ²⁹ Oh, alumbwe Jehova, nkaambo mubotu, chizuminano chakwe chalusyomo chilakkalila kutamani.