Kuli silutwe wabasikwiimba. Intembawuzyo ya Deviti. ¹ Muli Jehova mondiyuba; ino inga ulandaambila byeni kuti, ''Kochijila kudundu mbuli muyuni?'' ² Nkaambo boona! Basizibi babamba buta bwabo atukole, kutuwaala mumudima kuti bayase baluleme mumoyo. ³ Kuti intalisyo zyanyonyooka, ino baluleme nga balachitaanzi? ⁴ Jehova uli muchikombelo chakwe chisalala; menso aakwe alasenuuka bana babantu. ⁵ Jehova ulabasenuuka boonse baluleme abasizibi, pesi ulibasulide abo bayanda kuchita lupyopyongano. ⁶ Basizibi ulabawisizya makkala ayaaka ankando zyamabwe; iguuwo lyuumpa liyooba chibeela chabo kuzwa munkomesi yakwe! ⁷ Nkaambo Jehova uliluleme, alimwi ulabuyanda bululami; baluleme bayoobona busyu bwakwe.