¹ ku yë nä tuuny jets ojts Jesus nyäknyikejx jëkyë jäduk ojk mä jem pyäyoywyëtëjk jem Tiberias myääxy nyëwä’äm nä jë ojts këm nyäk nyikejx jëkyë. ² Simon Pedro jem y’ ijty tmëëdë Tomas mädi yëk kuxëëw eepy Didimo.Natanael mädi Canä de Galilea tsoomp Zebedeo y’uunk tëjk jets jä nimetsk äweky Jesus pyäyoywyë. ³ Nits Simon Pedro je tnëjm ääy: wen ëts tnik xy äkx juutpë, nits jedë nyëmxëdë kipxy näjmën tsoomp ëëts nits nyëkxtë barca jety tyëjk eedyë jets nitukën äkx tkäpät të je koots. ⁴ Ixyäm ku y’ ijty të jyätäknë jokyë jem Jesus wyäk oy ëëy jem playa jets päyowyë ke je tnijäwëdë jets Jesus je. ⁵ Nits Jesus tnëëjm ääy jedë: unäjnk yä’äjy tyëjktë ¿e miits jem xmëëdëdë ti yëtäkäypy nits jedë je t’ätsoodë ke ti. ⁶ Nits je nyëmxë: niyup pet të mxuumy barca y’ ägäny pyä’äm nits miitxyë xpäät tët ye’et jäktukën. Nits xuumy tniyup pet të, jets ke ojts y’okmä’äy nyë ku mäynyexy äkx. ⁷ Nits je päyoywyë mädi Jesus y’ ijty txyekypy je tnëm ääy je Pedro: wintsën yë. Ku Simon Pedro nä tmädooy jets wintsën je nits jetyë wyit tjäok pëm këxnë (tikëx ku niwä’äts je y’ ijty), nits määxy nyëjotm kyupujt ëëy. ⁸ nits päyoywyëtëjk jyäk jädë bots jotm ( të je y’ ijty tmu äwinkon në je näjx jämäk täxk iipx ma¨jk je y’ ijty tkäpääty) jets jedë y’ ijty tjäwëëmpitsëm ooktë äkx ujts xuumy. ⁹ Ku jem jyädë näkëxm nits je t’ ixtë ku jëën jem të myëjë jets y’ijty jem ákx kyë’ëy mëët tsäpkeeky. ¹⁰ Nits Jesus je tnëjm ääy nëkx äkx xkontë mädi të jenëm tjuut të. ¹¹ Nits Simon edro pyejty nits xuumy tyëk yo’ojy jets tyëk jä’äjty näxkëxm yän jety y’ ijty jep äkx. Tuk mukepxy jä wixteky xy myäk tuwëëk, oyëm y’ ijty mäynyexy äkx ke xuumy pyojty. ¹² Nits Jesus jedë tnëjm ääy: nämintë wen t’äjop ëëyën nitukën pyäyoywyë kyäyëktëjëdë: ¿pën mits? Nyijäw eedy*ep je y’ ijty ku wintsën je. ¹³ Nits Jesus jyä’äjty tsäpkeeky tkojn jëjky nits je tániwäjt ëeÿ tsäpkeeky mëët äkx. ¹⁴ Näjts muduwëëk yäjë këm nyäk nyikëjx jëkë jem päyoywyë wyinkukm ku të y’ ijty juky pyeky ookën ägukm. ¹⁵ ku y’ ijt y’äjopë kyëxtë: Nits Jesus tnëjm ääy Simon Pedro: ¿Simon Juan myäjnk xtsokp ëts jaweenë mëk ke ixit të? Nits Pedro je tnëjm ääy: nä je wintsën mnijäw eepy ku tseky py ëts mits. Nits Jesus je tnëjm ääy mo je jyeekyxy ëts ncordero. ¹⁶ Nits je tnëmkojmyë mumetsk yäjë: Simon Juan myäjnk ¿xtsokp ëts mits? Nits Pedro je tnëjm ääy: nä je wintsën, mnijäw eepy mits je ku ntseky py ëts mits, nits Jesus je tnëjm ääy: ixyijt jeeky ëtsën n’ oveja. ¹⁷ Nits Jesus je tnëjm ääy muduwëëk yäjë ¿xtsokp ëts mits? Winmäy je y’ ijty Pedro ku Jesus nämuduwëëk yäjë nä nyëmxë ¿xtsokp ëts mits? Nits Pedro je t’ätsooy: Wintsën mnijäwë kyexy py mits tukëyë mnijäw eepy mits je ku ntseky py ëts mits Nits Jesus je tnëjm ääy: mo je ovejs jyeeky xy. ¹⁸ Tyëj äjtëm tyëy äjtëm ëts mits xyäm nëjmë ku y’ ijty m’unäjnkë nä mits y’ ijty mnäxyoxyë jets mnikyxy pën mä ‘oknëkx wä’äny. Kots mëjääy eenyët jeyë mits je x’äxäjët jets wijnk jääy mits mxoxëp jets nikyxy jem mpäwäyë mä mjäkänëkx wä’äny. ¹⁹ 19.-Ixyäm nä Jesus wyääny jets tuknijäwë je Pedro ti ookën niky xy Dios tmëpëktä’äky ku näwyääny nits je Pedro tnëjm ääy: pätuyoyky ëts. ²⁰ Nits Pedro wyäkëm pijty nits t’ixy je päyyowyë mädi Jesus y’ ijty txyekypy jem pyätu’yoyë mädi y’ ijty jem Jesus tämäjëp ku äux nyäjxy ¿pën je mkëyäkwäjnëp? ²¹ Ku je Pedro t’ixy nits je Jesus tnëjm ääy: wintsën, ti yä’át yä’äjy tyëjk tyum’p? ²² Jesus nyëmxë: pën ëts nä tsekypy jetxyë je tyän’t jets koonëm ëts nwimpit t ¿ti mits je? Pätuyoyky ëts mits. ²³ Ku nä Jesus wyääny ojts je myugu’uktëjk tnijäwëdë.ku je päyoywyë ke je nikyxy y’ooky ketse Jesus yëkxon na Pedro tyim wyäjn ääy ku je päyoowyë ke je nikyxy y ‘ooky nä jeyë tnëjm äaÿ pën ëts ntseky py jets yë päyoywyë tyänt jets koonëm ëts nwimpit t ¿timitxyë? ²⁴ Yë päyoywyë tsje mädi yä’ät jyääy näjts je yëknijäwë ku tëy je mätyä’äky. ²⁵ je näynyäjmë mäy mädi Jesus tyuun. Ku jyeexyë tu’uk jety yëk jäywyety ke je jyeexyë näxwiiny tmumädä’äky je neky mädi jyeexyë yëk jäypy.