AMBU TANGGU BUATANG DU NJALA ANGUMU. ¹ Ambu buatang du njala angumu halla Nyumu ka ambu buatanggau njalamu. ² taka na buatang napa pakimu la pabuatang wangu, djiama yaka napa buatanggau, dangu na hukutu pa pakimu la pahukutu wangu djiamayaka na pahukutu wanggau. ³ Halla, nggiki biana hu ngitaya na kawita ai la mata angu dedimu, hallaka na kadipu balok nama ninya la mata wikimu ka hi ndau pianya? ⁴ halla, kanggiki peku pani munya na angu dedimu, 'mata kaku alinya na kawita ai welingu la matamu; taka tangaruya, baninya na balok la mata wikimu? ⁵ Ha, tau makambaliku, ali pakunya na balok la matamu, hallaka peku ngita hamu munya lapa alinya na kawita ai welingu la mata angu dedimu. ⁶ Da papahamu nama yahangu ambu tu dunja ahu, dangu da hada hamu ambu ndauha duha la lihi wei ka ambu da dili wanja wihida halla hida pambelingu hida hira walakau." ⁷ Karaiwa, halla kana wunggaunya. Himbuwa, daingu mana bau ngalanya. Katorukunguwa, daingu mana bana bunggahu nggaunya. ⁸ Kanadu, na tau nama karai, nyuna daingu mana bana wuanya, dangu na tau nama himbu daingu mana ba na ngalangu, dangu nama kantorukungu daingu mana bana bunggahunya. ⁹ Djaka ndia, nggamuya lai nyimi, na anana djaka na karai kanguta halla hina wuanya watu nuna na anana? ¹⁰ Djaka ndia, na anana nakarai iyangu, nyuna nda djia wua ananya tamihiku na anana nuna, mala ndia wami? ¹¹ ¹¹ Malla, nyimi ma akatu djakai pinya la pawuangu mahamu hanggangu la anami, ka rihi ka una na Ama mi la awangu, Nyuna na wuangu mahamu lai nyuda dama karai Ya. NA UKU NAMA MANGILU ¹² Taka ba tuna nu, mata na tau dangu ka tunangga nu djaka wamu, tuna nu madi badi bau palakuya lai nyuda kaba yiana duyaka na ihi Uku Taurat dangu da buku da da wunangu." ¹³ " Tama li ningu la pindu ma kahukulu kaba na mbalaru du dangu na liarangu na anda nama hanggangu la pameti wangu, taka na danguma nama laku liya. ¹⁴ Taka, ba nakahukulu na pindu dangu ndana mbalaru a na anda nama hanggangu la paluri wangu, dangu hakudu ana nama hangguniya." ¹⁷ PA INGANGU RUKUDA DA WUNANG KAMBALIKU ( Luk. 6:43-44;13:25-27) ¹⁵ Djiaba tuna, rimangu hanggangu la wunangu- wunangu kambaliku dama mai lai nyumu ba hama djingu bimbiha, halaka una nyuda ba banda mbeniha. ¹⁶ Welingu la wuana himi tandaha nyuda. Na njadi nu na tau lapa pauhingu wua angguru welingu la wuku rii madaka dangu wua ara welingu la pingi ai daka? Tuna numbui, na pingi ai nama mahamu na tu wuana mahamu, taka na pingi ai na manda hamu na wuana ndana hamu mai duna ^{18 19} Nimbihu da pingi ai da manda hamu wuada pa pungguha hala hi ndauha ha la epi. ²⁰ Njadi, welingu la wuana hi njadi la pantandaha nyuda. ²¹ Nda mbulu halla ana na tau, ' Miri, Miri nama wanangga kana tama la pahanganji Surga, taka djiaya nama palakuya na pawukuna na Ama-Nggu la awangu. ²² La lodu nuna, na dangu na tau na mawanangga , 'Miri, Miri, ka ndama buabaru aya na tamumu, dangu ka ndama wangga aya na wandi akatu wanya na tamu-Mu dangu ka ndama palaku aya na pahangatarungu wanya na tamu-Mu?' ²³ Halla, hi wanggunja nyuda' Ndaku tanda akai! Marauwa welingu lai Nyungga, ha nyimi ma palakuya nama njala!''' ²⁴ Lata nuna, mbulu halana na tau nama ronguya na papani-Nggu yiana halla kana palakuya hama djangu na tau pingu nama pahadangu umana la pinu watu. ²⁵ Halla, na puru na urangu na tungu na iwa, dangu na tungu na ngilu na ndalahuya na uma nuna, taka ndana tanyanggaru a kaba pa padingiru la pinu watuya.² ²⁶ Dangu, nimbihu na tau nama ronguya na papani-Nggu yiana taka ndana palaku aya na njadi tau ma nduba nama pahadangu umana la pinu wara. ²⁷ Halla, na puru naurangu na taka na iwa, na tungu na ngilu na ndalahuya na uma nuna, halla hina tanyanggaru, halla hina ruha pahala walangu.' ²⁸ Taka bana halaka pa paniwanya na rukuna nuna pariana hi Yesus, na tau dangu da hangatarunya ruku napa ajaru wananja, ²⁹ Kanadu Nyuna na ajaruha nyuda ba tau makuaha duya, nda hama ada dama pingu Taurat da nyuda.