¹ Hai tau-tau wulu, ronguwa! hiwa dangu hawinawa la handuka nama takanggau. ² dapawulu wamu da muhung dang da katarimu na nganja yehu. ³ da amahu raramu da patai raraka, dang da patai rarada djiyaha dama djadi mbukti papambotukau dang na nganya na tolumu hama na epi. nyumu pa uhi nya napa wulu wang la lodu-lodu malamirina. ⁴ Ronguwa, ganji dama rama nama rama nawuakamu, napa tahangmu dangu dapa ndeningumu, da pa aungu pa lawanggau. Dang, da pawungu da dama papuha mbada taka naka la kahilu nai Miri nama wulu ya na tana. ⁵ nyumu mbada luri muka la pinu tana dala pawulu wanya dang hi pahananya na wiki mihami, nyumu mbada pa wutumuyaka na etimu la lodu panjapu wangu. ⁶ Nyumu mbada hukung dang pameti tau mapadeningu, dang dana lawa anggau. ⁷ Djaka tuna nu, angu dedi-angu dedi nggu, torung kadi lundu na taka na lodu taka nai Miri. taruha mba nggiki wana da tau tani mbada patia nja nda wua dama hamu dapa ngala da weling la tana, da patia dja dangu torungu da lundu na taka na urang wungang dang urang mala mirri. ⁸ Nyimi mbu patorunya, pamandunya na etimu kanadu napa taka wanai Miri mbada mareni naka. ⁹ Angu dedi-angu dedi nggu, ambu kawunggu-wunggu du ha atu dang hawiayangu kapeku ndapa hukung gau nyumu. taruha, da hakim mbada ndualaku daka la hangga pindu. ¹⁰ Angu dedi-angu dedi nggu, kaba na paitanguya napa harui wangu dang natorung, taruha da nabi dama kariyauku dala tamu nai Miri. ¹¹ Nyuma ma anggapuha dabaha etida nyuda dama torung. nyumu mbada rongu muyaka napa torung wanai Ayub dang itaya napa mbuha nai Miri la lodu djapuna, kabai Miri na mbinu panamung dang na kawawaku etina. ¹² Kataka, angu dedi-angu dedi nggu, ladita na mbulu hala na nuna, ambu pahupadu nyumu, hamu la awang, latana, dangu nggara mbiya. wamumba '' djiya '' Djaka djiya dang " ndi a " djaka ndi a kapekuna nyumu ndada puhanggau hukung. ¹³ Kaningu du lapadua mi nyimi ma handuka? matawa kana hamayang. Kaningu da ma mbaha etina? Matawa kana ludunyai mazmur. ¹⁴ Kaningu du lapadua mi nyimi ma hidu? Matawa kana pa aungu ama mbokul-ama mbokul ¹⁵ Hamayang napa wotu dala parahaya djiya nama pamalundunya na tau nama hidu nuna dangi Miri nama pahadanya. Dang, Djaka nyuna mbada palakunaka djala-djala, padaingu puwaduhunaya. ¹⁶ Kanadu nu, hi kawara akuhawa da djala mi nyimi dang kawara hamayanguwa kapeku panjangumi. Hamayang natau nama padeningu napa wotuna dangu weli etingu, dira bakulu ya na kuahana. ¹⁷ Elia* djiya na tau hamana nyuta kadi. Na hamayang dang paweli etingu ka ambu na puru na urang, dang na urung dana puru a la tana nuna kaba tailu mbo ndaungu nomu mbo wulang. ¹⁸ Halaka, na hili hamayangu mai, maka na awang napa purunya na urang dang na tana na tumbunya wuana. ¹⁹ Angu dedi-angu dedi nggu, kadjaka ningu du lapaduwa mi nyimi nama nda hanggang lama padeningu, hala hi ningu tau nama tulunya papambeling, ²⁰ kai pi ndunya kaba na tau nama kariyanya na tau djala pa mbeli la anda nama padeningu djiya nama pamalundunya na ndiawana na tau nuna weling la pameti wangu dang na mbitanya na djala na nama ndangu.