¹ Weling langgi yaka napaweling nama patakil dang pahanggang nama djadi la djuangami nyimi? Kandaweling nala djangga etimu dang nama paparang dala huanga tolumu? ² Nyumu mbuhanya na hau, kataka ndau ngala anya, maka nyumu pameti. Nyumu iri la eti dang ndo ngala anya, maka nyumu patakil dang pahanggang. nyumu ndo ngalang kanadu nyumu ndo karai a. ³ ato nyumu karai, kataka ndo ngalang a kaba nyumu djala karai mu, djiya bau pahananya na wikimu. ⁴ Hoi, nyumu nama kadjaliku, kandau pi anya nyumu mba pa angu ndanya na pinu tana hamana mba pamuhu danyai Ala? Kanadu nu, nggamu mbaya nama mbuhang papa angu ndanya na pinu tana, na panjadinya na wikina muhu nai Ala. ⁵ Kai patanda ndunya na pulung* nda ningu a nggunana bawana, " Ngahu* napa tunai Ala dala wiki nda nyuta nambuha-Nya dang hidu etina."? ⁶ Katakai Ala na wuanguya na kanyurung nama rihi, kanadu nu, na pulung wana, '' Ala na tulaha da tau dama djangga etida, kataka na wuanja kanyurung da tau dama kawawa etida.'' ⁷ Kanadu nu, Wuanya na wikimu lai Ala. lawanya na hetang, maka na palai weling lai nyumu. ⁸ Tutuya lai Ala, dang Na tutu kau nyumu. bahaya na limamu, hai tau-tau nama djala, dang pamanandanya na etimu, hai tau-tau nama kadambung etina. ⁹ Handukawa dang hawinawa; matawa narikimu na pambeling panjadi hawina dang na hawualamu na djadi handuka. ¹⁰ Pawawaya na etimu la hangganai Miri, maka Nyuna na padjanggakau. ¹¹ Angu dedi- angu dedi, ambu kawara pani ndu dangu angumu wunda nama akatu la huangami. Natau nama paniya nama akatu rukuna na angu dedi na, ato nama hakimu ya na angu dedina, wana nalawanya na hukung dang nahakim ya na hukung. Djaka nyumu mahakimi ya na hukung, nyumu nda djiya akau ma palakuya na hukung, kataka hakimu ya. ¹² Didi aya ha atuna nama wuangu hukung dang hakim, Djiya Nyuna nama pamalundunya dang nama panjapuha; kataka nggamu kau nyumu hiu hakimu ya na angumu? ¹³ Nahu, runguwa hoi nyumu nama wana, '' Lodu nahu dang haromu nyum alakumaya la kuwataku yiana dang nuna, pandadiku lai nahu hau ndaungu, padagang, dang pangalang utung,'' ¹⁴ kataka nyumu ndau pi anya nggara ya nama djadi haromu. Nggaraya na ngguna na lurimu? Nalurimu nuna hamana na kawuu nama luhang hakudu, dang hina mbulang. ¹⁵ Djadi, nyumu wamu lati, '' Djakai Miri na mbuhang, nyumu kamaluri dang papalakuya naina dang nuna.'' ¹⁶ Kataka nahu, nyumu bangga dala djangga etimu; bangga hamana nuna djiya nama akatu. ¹⁷ Djadi, djaka ha atu tau na pinya nggiki wana mba pandoi ya nama hamu, kataka ndana palaku aya, na djala.