¹ Angu dedi-angu dedinggu, ambu pa itadunya na pawaimu lai Miri nama halita, Yehu Karitu, dang mapakawariya latau. ² Djaka ningu tau mamai la sinagogemu dang napaki tawuru amahu dang katari mapawilingu, larehi nama pahama, damai mbu datau mila dang dapaki katari mamarihaku, ³ dang nyumu panau mihanja datau dama paki katari dama pawilingu nuna hi wamunya nyuna, '' uhukuwa lapangiya nama hamu yiana ,'' kataka natau nama mila nuna hiwamunya,'' nduwalakuwa lai hiana!'' djaka ndia uhukuwa la lihi wihinggu!'' ⁴ Kabada pakawari muhaka weling la huangamu nyumu dangu njadi hakim lapangadang-pangadang nama akatu? ⁵ angu dedi-angudedi napanamunggu, patingi nyawa! Kandiya ndu Ala bada pindinahaka da tau mila la mata pinu tana ndumana pa panjadinja pawulu dala pawaina dang papangalanya umanai Ala napa bada randinai Ala lai nyuda nama namuya? ⁶ Kataka, bada djeriku muhaka datau mila. Kanda datau wulu a dama napunggau dang nama ruruhukau la pengadilan? ⁷ Kandanyuda a dama parahunya nama hamu, hi lupa hina pa aunggau? ⁸ Kajaka nyumu palakuya na hukung la kawungana pahamanya na ihi pulung* djiya '' Namuya na angumu patau hamana na tolu wikimu,'' nyumu bada palakumunyaka nama padeningu. ⁹ Kanadu jaka nyumu u kawari-wari tau, nyumu palakuya nanjala dang napatakanya hamana na hukung napa palangang hukung. ¹⁰ Nggamuya nama manonuk halanya na hukung, kataka ndana manonuk anya na hauna kawari na, na djala hanggang bulu halada hukung nuna. ¹¹ Kaba, Nyuna nama wana,'' iraku, dang wama mbu,'' ambu pametidu,'' Djadi, djaka ndau palakuaya nyumu na iraku, kataka nyumu pameti, nyumu bada djadi muka palangang hukung nuna. ¹² Kariyaukuwa dang pawanjiruwa hamana na tau-tau nama pabuatang hukung dapa papuling. ¹³ Kaba, nahakimu ndaningu a panamunguna latau nama ndapa itang lii panamunguna; lii panamungu natalu la ditana na hakimimu. ¹⁴ Angu dedi-angu dedinggu, nggaraya na ngguna na ha atu tau nama wana kaba ninguna pawai, kataka nda ningua papandoina? Kana ngalang du napawai nuna pamalundunya? ¹⁵ Djaka ha ha atu angu dedi nda ningu a katarina dang na mbutu pangangu hau lodu-hau lodu, ¹⁶ dang ha atu la djuangami nyimi wananya, '' Lakuwa dala ndami, matawa na tolumu na pambanahung dang nambihu, nggara ya na ngguna na nuna? ¹⁷ Tuna nu mbu na pawai, djaka na pawai ndana laku pahama da anya na papandoimu, nawitingna napawai nuna na meti. ¹⁸ Kanadu, ihi ningu mbu tau nama wana, '' nyumu ningu pawaimu, dang nyungga ningu papandoi nggu.'' Nyungga ku hiama, '' Pa itanguya na pawaimu nda ningu a papandoi, dang nyungga ku pa itangya na pawai nggu dang napa papandoi nggu.'' ¹⁹ Nyumu parahaya djakai Ala nuna ha atu ana. Nuna padeningu. Ngahu-ngahu akatu mbu da parahaya dang dakandandaku. ²⁰ Ha tau nduba! Mbuhang ndu nyumu papangadanya na pawai nama nda ningu papandoi djiya kahiawa anaka? ²¹ Kandai Abraham *, ama nda nyuta, napa deninya napapandoi-napapandoi kabana pahurunya ihaku*, anana, la dita altar ²² tarru kabana pawai na rama pahama dangu papandoi-papandoina, dang na papandoi-papandoi, pawai napahamuya. ²³ Napamatunya na pawana la ihi pulung*, '' Abraham naparahaya lai Ala, dang nuna na ndihaya nama padeningu,'' dang nyuna hina tikiya na '' Angu langunai Ala.'' ²⁴ Djadi, nyumu itaya kaba weling lapapandoi nduka natau napadeningu, nda weling lapawai paku. ²⁵ Tuna nu mbu, Ndai Rahabu, nama bana kabulaku nuna, napadeninya kanadu napapandoina kabana tarimaha da mata-mata israel dang nama ndulaha nyuda papalai hanggang la anda hawiayangu? ²⁶ Djadi, hamana natolu nama ndaningu ngahu na meti, tuna nu mbu napawai nda ningu papandoi na meti ya.