¹ Angu dedi-angu dedi nggu panamu rihinggu, yiana ya na hurat pandambu wana napa tulihu lai nyumu, na hurat napa dambu wana nu nyungga ku paringnganya papa hadanya laka nading wangu papa namung nggau. ² Taka nyumu panamu nggau na hilu lama ngilu na. Taka ningu hilu da wunang matua dangu papareta nai Miri paraina para rasul. ³ Lama ngi ngilu da bana pinyaka na lodu-lodu japu na akaya da tundunya panjala, ⁴ taka da tu hilu da la nggiya ka da randing dai mboku nyuta ta meti daingu laku la anda la mangilu na lama padikangu, ⁵ Taka da hara wuku pa mbulunya na pulu nai Miri la awangu nama ninya weli malana, taka la pinu tana na njadi wai, ⁶ dangu wai nuna la rehi nu dapa ruhanya dangu iwa mbokul. ⁷ Taka na pulung hama na la awang dangu na pinu tana taka hina pahamu ya hida tunu wanya epi taka na lodu hukunya da paruha ya na tau njala. ⁸ Angu dedi-angu dedi napa namung nggu ambu maruambanya mba ha atu Miri, hau lodu hama hariu daungu, hariu ndaungu hama beli hau lodu. ⁹ I Miri dena madai anya na randina. Hama jiangu tau mama ndai mapa beling ya, na kiandar etina, taka mbu halana tau taka na mai pa mangaku njala. ¹⁰ La lodu na mai i Miri hama jiangu tau bohuya dangu na awangu hina japu na lingu na la awangu taka lumu wanya epi hina mau japu banaya, na pinu tana dangu na ihi na namutung hala. ¹¹ Taka hau rehi ma ruha nggiki hamana hi njadi paluri? dangu nyumu paluri palupang lai Ala, ¹² taka napa nedingu dangu napa riagangngu na lodu mai nai Ala na lodu nai Miri Yehu la awangu na mutung wangu epi, la awangu na japu lama bana. ¹³ Taka nyuta duta nedi danya na pambada randi nanda i Ala, nuna awangu bidi dangu na tana bidi, na ngia pangiangu na nama tanji. ¹⁴ Jia ba tuna nu angu dedi pa mbuhanggu batalanga nedi minya pa na lodu nuna, pamukarungu langataka ma badi la pa luri matua dangu na manda nin gu nyurangu la hangga i Ala. Dangu kai mangga manya na panaungu hamu mi dangui Ala. ¹⁵ Matawa pamara wangu ya ka wami bana liarangu eti na i Miri bana wua nggai rehi manggawangu. I Paulu, na angu dedi pambuha da, bada tuna numbuka na pa tulihu nanggai. Bana tulihu ya nuna nama matu nanya na manggana pawua nanya paraina i Ala. ¹⁶ La mbu daba da da huratu na i Paulu, na tulihu manu maha ruku da nuda. Da ningu na ba ninja da ma da pira da dala huratu-Na dama kalutu la papinja dangu jiaha na duka dapa pajiangu jangga da tau da manda nggara papi ndangu da manda mandungu pawai da. Ruku na nuna data hangataru wa anya, nadu ba tudanya nubu dui hawiangu dama ninja la huratu matua. Nggara ya na pawunda da nu pawiti danya na monungu wiki maada. ¹⁷ Njiaka nyimi ndimi angu dedi pabuha nggu, mbada pimami njaka yiada njia ba tunanu, i rimang mbadi, ka ambu njia iru ngandi ndaggai la njarangu da da tau akatu i lundu yamihu welingu langia patunggulumi nama mandungu. ¹⁸ Matawa ka nabo-nabonjangu napada minya napa namungu na i Yehu Karitu, na Miri nda ndangu Nahangaji mapa mana da, ndangu ma tumbu kana bobonjangu na tanda minya nyuna. Pawotungu yawa nyuna, la lodu nahu kai ndangu lundu nu-nuka! Amingu.