¹ La rehi lama lapahu bada ni mbunja da kamala wunangu la banjaru i Ala. jiama ahakai dama dutu daki yai Ala, hama nanahu dangu ninja da ngguru-ngguru dama li papiakangu, dama lawanyai Miri nama bada lunahu lai nyuda angu bada takaka napa harui wangu dangu dama riangga jangga wiki danyaka nyuda mba didiha. ² Angui jaka ningngu madangu tau dangu dama tundungu hama na luri da nyuta angu ndia ma pa embiru ya, dangu ma weli lai nyuda ha, na anda nama padeningu angu nama palalu ya nama akatu. ³ Angu da kajaliku da nyuda da piti pa utungu wangu weli lai nyumu dangu la kareuku-kareuku dama binu kabaliku; bada hukung ka nyuda angu dama hala welingu la ma daina, na haleli yana rehi, angu bada ruhaka nyuda deda lanyapu apa. ⁴ Jia ba tuna hurungu lai Miri nyuna beri watu luri ya, napa waru tau pinu tana, bada ningngu linguna ba wada lati; taka i Ala una na pindi ya watu mapa lingu. angu bada karuduku nyuda dala rantingu nama kapatangu bada tahanya hida taka lapangia pawunda njala. ⁵ Angu jaka njiayai Ala dena mbuhangu a napinu tana laka wunga na hama tunai Nuh, natau nama patakanya nama padeningu angu mapa hama la pinu tana angu da hawiangu, jaka jiaya bana takaka na wai nama binu la pinu tana angu nama tandaya i Ala. ⁶ Hama tuna Ala na hukunjaka laparaingu Sodom angui Gomora bada paruha yaka da dama paraingu nuda hida njadi kamburu. bada panjadi haka nyuda pangiarang nggarahaka ma njadi da tau-tau ma akatu dama luri hama na nahu. ⁷ Hama tunai Ala bana dulaya na tana Lot, na tau nama padening nuna, dangu da haduka kanadu bana luri lama akatu welingu la tau-tau nama da tandaya na hukunya. ⁸ Hama nanu Lot lurina lapandua doru lodu, angu na tau nama parihingu lapa handuka kanadu bana itaya angu bana ronguya napa padoina nama akatu napa ita angu napa ronguna. ⁹ I Ala na pimanya nggiki wana papa halanja da tau dama padeningu welingu lama pakamang angu pataha nja da tau dama akatu hamatunai da tau hukungu welingu da lodu hida taka lapangia manjala. ¹⁰ Hama tuna nyuda da garang toluda dala pambuhang belida, angu taka jalirku wadunya na pareta, angu umbu tikadu pajangga eti, da wunang-wunang dama dapa deningu dida mangadatu umbu pani wadunya na tau nama manundu. ¹¹ Halaka da maranongu, hama tuda jaka daka paru angu da rihi lapa kuaha welingu lai nyuda, deda kareuku wanya nama paihingu wilina lai Miri Yehu. ¹² Da wunang-wunang dapa ma deningu hama tuna manaku, hina dedi dalaku pa apaha hida pameti: ¹³ Hama da dama dangu njala da lama akatu da ngalangu ka napa padoida nyuda lama akatu, hama tuna bada mauku la lodu nahu hama tau hanang manu ha. njadi danyaka tau manjala papa ni wangngu tau, hanang danyaka mba ngita yaka mba ngangu hama angu nyumu. ¹⁴ Nyuda binu kamata dama da torungu lapa padoi manjala, imbu njaka eti da tau dama malijang kanading, ba da ajaruka lama njadi nyuda njia maha ka da ana kiada manda hamu. ¹⁵ Hama tuna nyuda matanya na anda matanji dangu da tundunya na anda ma akat, nuna na anda Bileam bin beor nama hanang pangalang ndui duma napa padoi na nama akatu. ¹⁶ Ka nadu, bana ngala nyaka napa naungu bada langgarunyaka na heu keledai kambiu, jiaya ka nama luhu weli la ngaru tau hina papanjanya na horu katuaba nuna. ¹⁷ Da tau yiada hama mata wai mamadu dangu hada makawu napa wari ngilu mbokulu. Na kapatang nama parihingngu ba ninyaka duma da nyuta. ¹⁸ Na hilu jangga eti, na kambalik, na kapidihu ya na tau nama bana pahalangu welingu lai nyuda nama luri la kapatang dangu patadang tolung mapa iraku. ¹⁹ Da ngguru-ngguru dama da padeningu hama tuna nyuda da randing hangilu, japa kada tau ma akatu ha. Ka nadu, nggara buyaka napa tuna la tau lai nyuna napa njadi ya ata. ²⁰ Ka nadu, njaka bada pahala nanyaka na pinu tana njala bana tada ya kai Miri nama namu ta, Yehu Karitu, jiayai ka hili kabeli nanyaka la anda ma akatu ndangu ma kuaha yaka, jiayai nyuda tamba danya hamu welingu la kawunga na. ²¹ Na rihi hamu pa jaka hida pinya na anda ma hamu, welingu bada tada yaka bada pabeling la anda ma hamu napa bada tundunya. ²² Nyuda jiaya ka na rupana weling na hilu mapadeningu'. "Ahu kabeli la muta wikina" dangu " wei nama bada hamu kabeli panguri beli la ramuk.