KAWODU 28
NALARA KIDDI BALINA HI YEHU
1
Loppahunyaka naladdu miggu, tanga hungana namata laddu baru, taladdu hangi namiggu nouwu, hi Maria Magdalena jakka hi Maria oali ngarana attuja adda lappa ealuya narati.
2
Mang jajinanyak na oppung bakul, ittadanyak nam malaikat anna kegalunya nawatu hinna ngodu tapinuna.
3
Nahadana nakabillak tekka jakka koapina nakaka kapuka.
4
Mulana adda mange'atunya, hei dudda dam jawa rati kadadak danyaka mang hidda boppa toungu mamati.
5
Mang panewi denganajaka nam malaikat hei damma winni, winnajak" Abbi mange'atmang nyouwa kupeanya hi ammigimi manyerraminya hi Yehu napa harikka.
6
Dunna daeimanyah ya, Dunna kiddi balinanyak keriya napa langa panewi memma-Na. Maiya ealuya napingi pamaturu-Na.
7
Huyaya halaku pagehanguya kammi peakaja damuritu-Na anna kiddi bali waling tajoanga tou mati, attu-Nya anna moulu ta Galilea.Nounguha lauwu peala him itta-Ya Dunna. Pa'atikinya, nyouwa kupeaka memmagiminyaka.
8
Mang dudda pageahang danyak adda dijakunya narati, jakka doku hennang oatah adda waingu papalai kamma peakaja damuritu-Na hi Yehu awidda.
9
Alolu ittadanyaka hi Yehu anna reggah," waimika winnaja!" Jiayaka hidda toma-Nya hi Yehu, dakerranaja dawihi-Na, adda karadda-Nya.
10
Mangaka nou winnajaka hi Yehu, "Abbi mange'atmang huyay kammi peakaja da anguwua-Gu kadda pikki halaku ta Galilea, nounguha lauw peala hidda itta-Wa."
11
Tanga halakuda hei weiga dudda dam winni, hei hawanguk dam jawaya narati halakudanyak ta koata adda lippi peakaja da imam kapala gannanya jaji noulau tarati.
12
Manga, pakehanadaja oali de'ada dam bokul pa'ati. Mengaka papakehangu, woadajaka riti dangu hei weiga dam tagu jawa rati,
13
widdajaka, "Wimmi peala, Damuritu-Na hi Yehu jiaha dam ammija adda keadu-Nya atanga juddama wimmi.
14
Manga, jakka anna rangukaka peala na gubernur, peala nyiama namma pamanninanya na atina, touna nyimi hidammi hilu dadar."
15
Jiayaka dudda dekidaja dariti mang hidda waibollunya naha peakadaja lappak taladdu ya nataboakaha nahilu nei weiga.
16
Mang nouwu, dam toumahabulu hangiha damuritu dahalaku ta Galilea, ta tadula napa langa papatekkanaja hi Yehu.
17
Da'ittaki-Yaka, karaddada-Nyaka. Jiadinguka, hawanguku dudda daraguha.
18
Manga, amminyaka hi Yehu winnajak, "Ngaradukana nabiaha namadi nam einya deaha ta surga jakka tapinu tana eibollunyak lahi Nyouwa.
19
Jiakadiyaka, halakuya kammi hakoala bolluya natou tapinu tana kanjaji muritu-Gu, kammi ihuha tadalu ngarana hi Ama, jakka na Anan, jakka na Hangahu Harri-Na,
20
peakaja kadda pikki taatuya ngaradukana napa pareaha-Gu lahi nyiami; mang ittayay, Nyouwa ei-Ga Akku oaligimi, lappakang tahupuduka morrik tapinnu tana.