¹ Ngala napapa hamoiri, paleawaya ngala na atamu waingu kallung jaka patu'a. Jimi mi penyaka a eijellang Moirimi ta sorga. ² Enga noumu amu katabal amu habayang. Jiaya himu maddung amu nadinya jaka mu pamalanguya. ³ Habaya jellagama jiama, jiaya hi Allah hina wehagu binna ama pahalakuya agannanya napa tikki witina a einya dapa pea bollung napa kabuning nama padeneng lahi Kristus. Ya jiayaka, nyouwa hipa tamaga ta gallu. ⁴ Jaka habayang kaku peangu aku palouhu bollunya aku tikkiya. ⁵ Annakaya kamu waingu pangadang amu peangu ta arru tou habali wainya naka loaga napapa hellanaga. ⁶ Tennang na patikkimu ka nouya ta witi panamuna. Tennang ka eingu ihina, kamu peangu papagea ya anang pa tibaya amu pagapinya na tou. ⁷ Eija nama jaji na tu'agu nyouwa, hi Tikhikus jiaya nama patomanya lahi ou. Jiaya na oali beida nama panamu, tou papaleawananya nama manudu, jaka oali papaleawama lahi Moiri. ⁸ Ku paleawagunya lahi ou eingu pakabugu, tennang ou kamu peagama agannanya witina jiama, hina pa kullihgunya ta atimu. ⁹ Ku paleawagunya nama neinya hi Onesimus, na oali beida nama panamu jaka manudu, hatou waling lahi jimi. Duda jiaya nama patomanya agannanya ngala nama jaji natu. ¹⁰ Hi Aristarkus, na oaligu ta gallu, napangiddigimi li'i panamu lahi jimi, tou jellana hi Markus, na angleana hi Bernabas ( jaka langa gearakaya nama ittaya na li'i panou ya a ammikanya lahi jimi, mi kamaikanya), ¹¹ Jaka hi Yesus napa kamaikang Yustus. Jiapaha dama toma tilluha hayi ta joanga ngala na tou napa kahapi nama kerra dengaga na tutu padouna hi Allah. Duda jiaha napa hennang dengagu. ¹² Na li'i panamu lahi Epafras lahi jimi. Jiaya nama eingu ta joangami jimi jaka jiaya na ata papaleawana hi Kristus Yesus. Jiaya nama kerra tetekang tutu tagumu ou ana habayang, toungu ou kamu kullih jaka kamu harai bollunya ngala dukana ta pakabu atina hi Allah. ¹³ Nyouwa jiaya nama penya, ajiaya duna nama kera tetekang tutumu ou, tutu tagu bolluna na tou nama eingu ta Laodikia, jaka nama eijellang ta Hierapolis. ¹⁴ Li'i panamu lahi jimi ngala dukami waling nama panamu nama taungu moru hi Lukas jaka Demas. ¹⁵ Li'i panamu ta oali beimu ta Laodikia, Nimfa, jaka na huhu anana nama eingu ta ummana. ¹⁶ Ami kolling habahaya ya na hurrat ta joangami, jimi kami baha jellaya na hurat napa pangiddigu ta huhu anana ta Laodikia. ¹⁷ Kawimmunya hi Arkhipus, " Kamu pangada pakallunya napa deitu tidumu napa woanagu hi Moiri kamu pahalaku pakallunya ngala dukana." ¹⁸ Na li'i panamu ya walina ta limma tagugu hi Paulus. Annakaya nakanyuru kanaga jaka nyouwa na morrik malodung kana hadidi karahawu.