¹ Yowa keketa matagu monno ku etawi, mba'deku koge iya ata a terrege kalerre papa loda ne lima 'detana. ² yowa ku tuwa, " je eti nyagu yo'u engana kako?" nawale ne barra gu, "neike Yerusalem, gai'i kapa lodage, gai'i kapandege pirra gelarana monno malounawe." ³ Mba ndeku koge, ata patuka napa newe ndengaga nya kako ullu monno ata patuka'da wa'deka na kako ullu barawi, ⁴ Monno napa newe barra na,"malle wu, ka tekki'da barra'da hidda byuwa mane, 'Yerusalem engage mbana dedewe tudda wanno da mangu golluna oro mbama ngeda ata monno ranga ne dyanana. ⁵ Yowa ndouna engana apa gaina gollu api ne killorami,' dukka na lii Mori. Yowa engana appa nda'di ge a duwa ne tillu dongami." ⁶ Meiya ngara kuwa! mallemi wali tanah uyara," dukkana lii Mori. "Hinako, Yowa a saikara pando saikaragu yo'u ne barra pata mata paringngi," dukkana lii Mori. ⁷ "meiya, Sion! patoleka toumu, tah yo'u a ndangi ne mawinne Babel! ⁸ Hinakowe, hinawe ne lii na Mori rawina langita monno tanah, nawa ege deta Nya apa tuka ga yowa barra iya padou-iya padou a saikarami yo'u, mba gara kugu atodowu yo'u ole nawe mbana todowa karombuka mata ndana ndouna, ⁹ " Mba ndeku koge, yowa engana aka woddekadi lima-Gu sangga barra hidda, hidda enga ge mbana nda'di we pawessi'da barra ata-ata hitti kedde pona aka woddo sangga barra'da hidda," Hinna kowe dukkana, yo'u engana a pande ge na Mori Mawolo Marawi rawina langita monno tanah nya apa tuka ga yowa. ¹⁰ "Yemi mawine sion, kala'da ate mi monno ege ndeta mi. Mba ndeku koge, Yowa engana mai monno a dangi ne tillu dongami," lii Mori. ¹¹ Hitti waipona, luwana iya padou appa iya ge touna barra Mori monno engana a nda'di ata gu Yowa enga ga ndangi ne tillu-tillu donga mi nyawe yo'u ka enga gu mba pandewi nawa Mori Mawolo Marawi rawina langita monno tanah apa tuka ga yowa ne barra mu. ¹² Mori engawi mbana ndekewa Yehuda ne wan'de ka torana we, ne tanah ama ringngi na monno Nya engana pede we Yerusalem. ¹³ Yemi ngara kuwa ata, paka nawa ne toumi ne arona Mori, mba Nya'dona kedde walli pa ndou dangi wai'na ama ringina