¹ Nawulla kapondona dou kadyadana napa kako paretana tokko Darius, ammege lii Mori barana tokko Zakharia, anak Berekhya, ana Ido, punnina, ² ''Na Mori na bani asangga barra da ina waika umbu aibba. ³ Hinnakowe, tekki dawe barra da hidda: Hinnawe ne lii na Mori rawina langita monno tanah; 'walli wu ne barra gu; dukka na lii na Mori, monno ne yowwa kaku balli ne barra mu, dukkana lii na Mori rawina langita monno tanah. ⁴ Duppa gaikadi ina kawenda umbu aibbamu. Hitti ata tokko kendena aka ndenga ne barra gu, Hinnage: Dukka nawe ne lii na Mori rawina langita monno tanah, ndikki rage ne larra tolekamu nda duwa monno ngara kuwa parawimu nda tena! ne bahinnawe, hidda nda beina rengnge monno nda beina patoo waga, lii na Mori. ⁵ Jene nyadi hidda ina waikamu umbu aibbamu? hidda tokko nabi enga kandudi atoleka walli murri walli murri? ⁶ Da nyakiwe ne lii monno pawata paparetagu barra nda ata patukagu ata tokko na ndukki mba barra'da ina waikamu umbu aibbamu? hinako, ngara kuwa 'derra monno panewe, "Mori rawina langita monno tanah nya tauge tangana ne ngidigu monno ngara kuwa parawida, dukka nawe nya araiwige barra nda itto!" ⁷ Na loddo aka 'dyada kabullu patana wula kabulu iya, na nya'bana wulla Syebat, na dou ka'dyada paretana tokko Darius, ammege lii na Mori barra na nabi Zakharia, anak Berekhya, anak Ido, punni na, ⁸ "Ne gedde loddo, ku eta iya ka'bani aka lete dara rara! Nya adede ne barra wasu-wasu murad ngara kuwa wasu-wasu murad nee 'di wittu 'dana, ne 'ba hinawe nee lira waidi dara rara, na gokko rara ge monno na kaka ge. ⁹ Yowa kutuwawe, apawe pata'da ngara kuwa hidda, oh morigu?" papatuka'da appa newe 'dengaga nawalewe, "Yowa engana appa etago barramu appawe tubba'da ngara kuwa nawe." ¹⁰ Na ata dede barra wasu-wasu murad napa newe, hidda patukana Mori hidda kakoge ne tanah." ¹¹ Hidda appa newe barra ,ata patukana Mori a dede barra wasu wasu murad, patekina, "yamme ma kako mbage ne tanah. mba'deku koge, ngara kuwa tanah na dua monno naka nawawe." ¹² Mbage, na ata patukana Mori nappa newe, "Oh Mori rawina langita monno tanah, pirra cama doina ne yemmi dama nowarage Yerusalem monno kota-kota Yehuda bani sangga bara'da newe 70 dou?" ¹³ Mori na walewa ata patuka'da nya appa newe barragu a waina panewe a dua monno a rammi. ¹⁴ Nawa ata patuka'da napa newe ndengaga na tekiwe barra gu, "Kandenga ge, lii na Mori rawina langita monno tanah, yowa aka goulangau Sangga barra Yerusalem monno Sion. ¹⁵ Mba ndeku koge, yowa Ku bani langu takka sangga iya padou-iya padou a podda ge ne tauna dua tolekana. Nyaki ndowe mbaku bani yoddika, hidda angu apa keddewe ne da dua ¹⁶ Hina kowe, dukana lii na MORI, "Yowa engana wali mbali barra yerusalem monno kuma nawara langu takandi. Umma-Gu engage mbapa keddewe nee barra'da, lii na Mori rawina langita monno tanah, monno kalerre papa loda enga ge mba welarawe mbaliwe ne ponu yerusalem. ¹⁷ Sadekka cage ka'denga, lii na Mori rawina langita monno tanah: Wanno-wanno-Gu engage mbana kanengga ge newe a dua. Mori enga ge mbana ndeikawe Sion monno engana mbana pedewe Yerusalem." ¹⁸ Yowwa keketa matagu, mbage yowa etawi a pata kaddu. ¹⁹ Yowa tuwa barra ata patu'da apa newe ndenga ga yowa, "apawe tubba'da ngara kuwa hidda?" na tekki ga barra gu "hidda kaddu-kaddu nyabai a saikaradi Yehuda, Israel, monno Yerusalem." ²⁰ Mbage, Mori napa eta gadi barra gu pata ata apa willi na mbei. ²¹ mbage, yowa ku tuwawa, "Appawe a engana parawi'da ata-ata a ammena nemi?" nawale we, "Hidda kaddu-kaddu nyawi a saikaradi Yehuda nyawe ka dai'i ponguki iya ata ama dauta a keketa katowa na. Ata-ata na amena amarada hidda, mbaka pettidi kaddu iya padou-iya padou nyadona a keke tawi kaddu barra tanah Yehuda, ga'i kasaikaradi."