¹ Mazmur. Dodo Sabat. Naduwawe bata weila detawa MORI, monno bata dodo bara ngara-NA, A Mahamadeta, ² katekkiwe kasih setia-MU ne kabu gedde, monno kesetiaan-MU bana geddege, ³ waina alat musik kabullu kalerre, gambus, monno kecapi, ⁴ Orona WO'U, o MORI, MU raibaga baku weila deta orona ngara papawilli-MU, youwa ku waina weila deta orona parawi limma-MU. ⁵ Allu kaladadi ngara parawi-MU, o MORI! Ngara rancangan-MU na allu madallena. ⁶ Ata bebal danna pande kindi, monno ata kabika danna mengertiki. ⁷ Bana timbuko ata fasik ekakowa ruta, monno ngara rawige a bokala berkembang, enga pamtedadi mori wali-mori wali. ⁸ Takka WO'U, o MORI, ne pandou a madeta mori wali-mori wali. ⁹ Orona, tetakka, gobba-MU, o MORI, etawi ngara gobba-MU enga mateda! Ngara kuwa a rawige bokala a ceraiberaikandi. ¹⁰ Takka, MU pamadeta bagai kadugu ekakowa banteng, na urapi baga waina minyak segar. ¹¹ Matagu na matta rabbadi ngara pengintaigu, katillugu narengnge bawi tubada ngara ata bokala a beina kedde bagobbaga. ¹² Ata tena namawekkara ekakowa wasu kurma, monno a timbu ekakowa wasu aras ne Lebanon. ¹³ Hidda patodaka bara uma-NA MORI, enga timbuna ne pelataran ALLAHda. ¹⁴ Lakka a kawedaba takka enga pundi ba uwa, engage ba morru monno morona, ¹⁵ ngga'i katekki, na MORI na tena, lete togogu, monno da'iki ketidakadilan bara-NA.