¹ Nya a dangngi lindungan ALLAH A Mahatinggi, nya a taddona ne ninno danana A Mahakuasa. ² Lungguge barana MORI, "Perlindungangu monno kubu pertahanangu, ALLAHgu, pawaigu." ³ Orona, NA pasilliwu wali irra pemburu, monno karodduka kapore a kedde. ⁴ NA lindungwu waina kepakan-NA monno kabu kapa-NA, MU tabbokawe perlindungan, kesetiaan-NA nyabana perisai monno rindi perlindungan. ⁵ Du mandautaki ne ngerina gedde, atau ana pana a lera ne bana loddoge, ⁶ atau kapore a kako kapotta dana, atau ne bossaka a kedde loddo dana. ⁷ Rata ata bana warraka ne tidmu, kabullu rata ne tidi kawanamu, takka danna barakinggu. ⁸ Wo'u nyakido bu eta waidi matamu, monno mu etawe tangana barada ata fasik. ⁹ Orona, mu rawi bai na MORI, perlindungangu, A Mahamadeta, pandou dangngi wa'imu. ¹⁰ Daiki bokala a mai patabbokawu, da'iki karodduka a barage kemahmu. ¹¹ Orona, NA patukawi papalewa-NA, kanna jagawu ne ngara laramu. ¹² A keketawu ne ponnu limmada, na wa'i mu kadanna katundurakana togo deta. ¹³ MU palawi singa monno nippe a mangngu bisana, singa a mbo'u monno naga bonnu mu deke-dekewi. ¹⁴ "Orona, namanawara-GA, YOUWA ku pabebasa, KU lindungiwa orona na pandega ngara-GU. ¹⁵ Bana kawulako bara-GU, KU walewa, KU palolo dengawi susa danana, YOUWA KU paluputai monno memuliakannya. ¹⁶ Waige lolo ngau a malou, KU papuaswa, monno KU ngga'i kanna etawe selamata-GU."