¹ Barada kapala dodo: Dekuge li'i "Bunga Bakung Perjanjian." Mazmur Asaf. Rengngewe, o A Dawa Israel, MU a pimpinai Yusuf ekakowa kawana bebe, WO'U a bertakhta ne ponnu kerubim, bibakawu! ² Ne arona Efraim, Benyamin, monno Mansye, pakeddewe pawessi-MU monno ammigu ku patolekama! ³ Pulihkan ma yame , o ALLAH, ngga'ige ne mata-MU bana bibakawe, nyakamma selamatama. ⁴ O MORI, a douge ponnu tana, pirra kowe mando'ina bu bani barana tabayyana umat-MU? ⁵ MU yabadi mata we'e ka nga'a, Mu yadi we'e pa'enu patouda mema. ⁶ MU raibama bama pakangamukana bara ole atama, monno ngara gobbama a maditama. ⁷ Pulih ama, o ALLAH a douge ponnu tana, pabibakawe mata-MU, nyakama selamata. ⁸ MU koukawi wasu anggur wali Mesir, MU wuddawi ata monno MU todakana na wasu. ⁹ Mu panawita mema tana a tuma barana, kana timbu kalarritana monno na ponnuwe tana wanno. ¹⁰ Letena a todiwi ninnona, wasu aras na kara'ana. ¹¹ Kara'ana na lolo dukki bonni dana, monno kara'ana netti loko dana. ¹² Ku bongkaradi ngara rindina, nyaka ata a lawiya a oppuwa? ¹³ Wawi mareda a rusakawi, monno ranga a kawoddeka ne mareda a nga'a wali barana. ¹⁴ O ALLAH a douge ponnu tana, kanna bali! Kategi wali surga dana monno eta, peduliwa na wasu anggur, ¹⁵ na kalaritana papatodakana limma kawana-MU, anana papawessi-MU. ¹⁶ A tunnuba waina api, a podgoba, a muwa bana orona kecaman mata-MU. ¹⁷ Tetakka, nggai na limma-MU kane'i ponnuna ata a ne'ina tuma kawana-MU, barada ana ata papawessi-MU. ¹⁸ Nyaka, damma madikkiraki wali bara-MU, patolekama, nyaka kadengngago ngara-MU. ¹⁹ Pulihkan ma yamme, o MORI a douge ponnu tana, pa bibakawe mata-MU, nyakama selamatama.