¹ Mazmur Asaf. O ALLAH, ngara ata ammibai barana dou-MU. A cemari bawe bait Kudus-MU, monno a raige ne Yerusalem reruntuhan. ² A yabadi kamatena ngara ata-MU, barada ngara keila langita deta kanga'adi, kana'ada ata-Mu a setia, barada a toleka ne ponnu tana. ³ A lega bada ra'ada ekakowa we'e ne killora Yerusalem, monno da'i pongngu ki iya ata a tanedi. ⁴ Yamme aib bama bara ole atama, kanissika monno celaan ata ne killorama. ⁵ Pirra koge, o MORI? MU bani mori wali mori wali ko? Ne cemburu-MU na wegara ekakowa api? ⁶ Legawe bani-MU ponnuda ngara ata da pande-GU, monno ponnu kerajaan da kadengnga gowe ngara-MU. ⁷ Orona, a ngga'a mbai Yakub, monno a pamamuwana pandou dangngi wa'ina. ⁸ Du lolo kawi ngara sala memema, ne manawara-MU ka ammige barama, orona yamme pa alluba paradakama. ⁹ Tuluma, o ALLAH penyelamatama, orona kemuliaan ngara-MU, pasilli aga monno todimadi ngara dosama orona ngara-MU. ¹⁰ Haida ngara ata kahiddage, "Gewi ALLAHda?" ngga'i kongge ne tangana ra'ada ata-NA a malega, ka pandege ngara ata a wa'ina aro matama. ¹¹ Ngga'i ne kailada ngara tawanan na dukkiwe aro-MU. Dekuge kaladana kuasa-MU, ngga'i kundi ngara lakawa wali mate dana. ¹² Tauge tanga barada ole a tama pittu kali lipat barana katukku ngau detada, celaan a hinna kaina bacela-WU, o MORI. ¹³ Nyaka yamme, umat-MU, bebe padawa-MU, ku waina weila deta bara-MU mori wali-mori wali. Ku tekkiwe ngara deika bara-MU wali mema.