¹ Deika MORI! Deikawa MORI wali surga, deika-WA ne pandou a madeta! ² Deika-WA, ngara papalewa-NA, Deika-WA, ngara bala tentara-NA! ³ Deika-WA, loddo monno wulla, deika-WA, ngara bintang a wegara! ⁴ Deika-WA, langita a madeta, monno we'e ponnu langita! ⁵ Ngga'i ka deikana ngarana MORI, orona NYA a paretawe, monno a raidi. ⁶ NA padede bawe mori wali-mori wali, NA yawe ketetapan dappa pa pala. ⁷ Deikawa MORI wali ponnu tana, wo'u ngara ranga bonnu dana monno ngara samudra! ⁸ Api monno urra es, salju monno kabut, paringngi lera a waina li'i-NA! ⁹ Lete monno ngara bukit, ngara wasu a mangngu uwana monno ngara wasu aras! ¹⁰ Ngara ranga matomba monno ngara ranga, ngara ranga melata monno ngara keila a mangngu kapana! ¹¹ Ngara tokko a ne'ina ponnu tana monno ngara suku bangsa, ngara ata a mangngu paretana monno ngara ata pareta ponnu tana! ¹² Ngara ata a mbo'u monno ngara mbowinne, kaweda monno lakawa! ¹³ Ngga'i ka deikawa MORI, orona nyakidona ngarana papamadeta, kemuliaan-NA na atasiwe ponnu tana monno langita. ¹⁴ Napamadeta banawi kaduna Ata-NA, a deikana ngarana ngarana haida ata a kudus, barananya ata Israel, deikawa MORI!