¹ Deikawa MORI! Orona, duwawe bata dodo barana ALLAHda. Nyaka, deikawa, monno dodo na tubawe. ² MORI napakeddewe Yerusalem, napakuwadi ngara ata Israel palettoda. ³ Na paduwawi a mubbuka atena, monno nabalutawi ngara manu'ada. ⁴ Na reke bawa pirrawa bintang, naya kuwadi ngara. ⁵ Kaladan MORI da monno na alluwe kuasana, ne pande-NA dappa tekki bawe. ⁶ MORI napdindarawa a tertindas, takka na paradakawi a fasik dukki ponnu tana. ⁷ Deikawa MORI waina weila deta; bermazmurlah barana ALLAH waina kecapi! ⁸ Natodiwe langita waina kasoba, a raige urra barana ponnu tana, monno a patimbuwi ruta ne ponnu lete. ⁹ Nayawi ngara ranga panga'ada, monno barada ngara an keila gagak a kadengnga. ¹⁰ Danna senang denga kingge pawessina dara, monno damma beikadi wa'i ata. ¹¹ MORI nabei na ata a mandauta-WI, barada ata a remage duwa ate-NA. ¹² Wundawa MORI, hai Yerusalem! Deikawa ALLAHmu, hai Sion! ¹³ Orona, napawessiwi ngara palang binna gerbangmu, napamaringi gudi ngara ana mu a wa'ina baramu. ¹⁴ Na ta'ige perdamain ne ngara batasa, NA papuasawu waina ganduna allu duwana. ¹⁵ Napanginda-WE lii-NA ne ponnu tana, li'i-NA na malle ngetta takkage. ¹⁶ Napaburruwi salju a hinnana wullu bebe, NA sobbarage we'e penni hinnana rabuka. ¹⁷ Na pitakawe es a hinnana ngara potongan, garrawi a bisa dede arona a mawenggala? ¹⁸ NA pangindiwe li'i-NA monno na pamalelewi, na powiwa paringngi, monno na pakakowe we'e. ¹⁹ Na tekki li'i-NA barana Yakub, patetap-NA, monno ngara hukum-NA barana Israel. ²⁰ Danna raikige a hinnana barada, da pandekina hukum-hukum-NA. Deika-WA MORI!