Alef ¹ Na maringina ata a larawi na sempurna, a kako dekuge taurat MORI. ² Na maringi-NA ata a jagawe kesaksian-NA, a elleta-WA waina ate kakana, ³ monno darawige bokala, takka a kako dekudi ngara lara-NA. ⁴ WO'U MU paretabawi ngara pareta-MU, kajaga paduwawe. ⁵ Na laragu bapategu kogai kaku peliharawi ketetapan-MU! ⁶ Nyaka, youwa dapamakke kiangga, baku perhatia kundi ngara pareta-MU. ⁷ Youwa ku weila bara-MU waina ketulusan ategu, baku pelajari hukum-hukum-MU a tena. ⁸ Ku peliharawe ketetapan-MU, du ngga'i kangga. Bet ⁹ Peipatana na ata mbo'u bana karawawa na laran duwa? Bana jagawa dekuge patekki-MU. ¹⁰ Waige ate waigu ku elleta-WU, du ngga'i kangga baku elena wali ngara lara pareta-MU. ¹¹ Ne ate danagu, ku bondalawe li'i-MU nyaka daku berdosa kiangga bara-MU. ¹² A weila deta-GU, o MORI! Panungnga gadi ngara ketetapan-MU ¹³ Waina rowiwigu, ku tekki kuwawe ngara hukum ngada-MU. ¹⁴ Ku weila deta ponnu-NA kesaksian-MU, ekakowa ponnu ngara dou. ¹⁵ Ku pangeddage ngara titah-MU, monno ku katingngirragudi lara-MU. ¹⁶ Youwa ku weila deta barada ketetapan-MU, dakku bulla kidi patekki-MU. Gimel ¹⁷ Yaga karunia-MU baragu ata-MU, kaku toleka baku jagago li'i-MU. ¹⁸ Wukke gadi matagu, kaku etawi ngara a ajaib wali taurat-MU. ¹⁹ Youwa ata a ammina ne ponnu tana, du burri kandi ngara pareta-MU wali baragu. ²⁰ Dewagu na bossaka orona ku beidi hukum-MU ne ngara waktugu. ²¹ MU kasakadi ata a madeta ate, ata a terkutuk, a tidi wali bara ngara ppareta-MU. ²² Patitirage celaan monno kanissika wali baragu, orona ku jagawi kesaksian-MU. ²³ Lakka mandi'i ngara ata pareta batekki angga, youwa ata-MU ku renunggundi ngara ketetapan-MU. ²⁴ Ngara kesaksian-MU nyabawi pabeigu, hidda a panungngaga. Dalet ²⁵ Na dewagu na kadakka barana pa'u tana, pattugawe ne tolekagu waina li'i-MU. ²⁶ Ku tekkiwe ngara laragu, monno MU waleaga, panungnga gadi ngara ketetapan-MU. ²⁷ Rawiga baku pandegudi ngara titah-MU, kaku pangeddadi ngara parawi-MU a ajaib. ²⁸ Na dewagu na ngi'o orona kedukaan, pakeddeaga waina firman-MU. ²⁹ Pamarroga wali ngara lara kawossoka, monno yagadi taurat-MU. ³⁰ Ku pede bawe lara a tena, ku tetap bagudi hukum-hukum-MU ne arogu. ³¹ Ku kadakkaga bara ngara kesaksian-MU, o MORI, du ngga'i kangga bapamakkeaga. ³² Ku malleaga ne lara pareta-MU, orona WO'U MU pagellarabaga ategu. He ³³ Panungngaga, o MORI, lara ketetapan-MU, monno kaku peliharawe dukki nemmi. ³⁴ Yaga pengertian kaku jagago taurat-MU, monno ku jaga waige ate waigu. ³⁵ Pimppinaga kaku dekuge jalur pareta-MU, orona nyabawi pabeigu. ³⁶ Condonggawe ategu barada kesaksian-Mu, kadanyakawe utuna barana daduwa. ³⁷ Pa elegadi matagu wali baku etawe a sia-sia, monno pattugawe tolekagu ne lara-MU. ³⁸ Pakeddewe patekki-MU bara ata-MU, kamandauta-GU. ³⁹ Palawiwi ngara kanissika pamandautagu, orona ngara peraturan-MU na duwawi. ⁴⁰ Tetakka, youwa ku bedi ngara titha-MU, pattuga tolekagu waina kebenaran-MU. Waw ⁴¹ Ne kasih setia-MU kanna barakoga, o MORI, selamata-MU orona aura-MU. ⁴² Nyaka, kaku walewa nya a kanissikaga, orona ku waige ne li'i-MU. ⁴³ Monno, du koukakawe li'i kkebenaran wali ngaada danagu, orona ngara hukum-Mu nya pamennegu. ⁴⁴ Ku pelihara pakitawe taurat-MU, mori wali-mori wali. ⁴⁵ Monno, ku kako aga kelegaan dana, orona ku elletawi ngara titah-MU. ⁴⁶ Ku tekki dommo kaiye kesaksian-MU ne aroda ngara tokko, monno dapamakke kiangga. ⁴⁷ Youwa ku weila deta ne ngara pareta dana-MU, pabeigu. ⁴⁸ Ku keketawa limmagu barada ngara li'i pareta-MU pabeigu monno kupangeddadi ketetapan-MU. Zain ⁴⁹ Palologai li'i pareta-MU baragu ata-MU, pamennegu. ⁵⁰ Nyaba penghiburan milla danagu, ne aura-MU bupatolekaga. ⁵¹ Ngara ata a keketa wekkina a celaga, takka youwa daku kako ekaki wali taurat-MU. ⁵² Ku lolowi ngara hukum-MU wali memema. Orona ku lolo kuwawi kahibur wekki douna. ⁵³ bangata ategu orona ata fasik, a ngga'ige taurat-MU. ⁵⁴ Ketetapan-MU nyabana dodogu, ne umma padangngi wa'igu ba ata ekaga. ⁵⁵ O MORI, ku lologowe ngara-MU bana geddege, monno ku karawawe taurat-MU. ⁵⁶ Ne nyaba dadi baragu, baku karawawi titah-MU. Het ⁵⁷ MORI nya toragu, ku aura bana kaku karawawi ngara patekki-MU. ⁵⁸ Ku elletawe ne perkenanan-MU waige ate waigu, berbelaskasihlah baragu dekuge ngara aura-MU. ⁵⁹ Ku pangeddadi ngara laragu, monno kupaarodi wa'igu barada kesaksian-MU. ⁶⁰ Ku ngettana monno dakku tullarakina kira, baku karawawi ngara pareta-MU. ⁶¹ Kalerre ata fasik a woletaga, takka dakku bulla kitaurat-MU. ⁶² Tillu gedde, ku keddeaga baku weila deta bara-MU, orona hukum-MU a adil. ⁶³ Youwa gobbaga wali barada a mandauta-GU, monno hidda a karawawe li'i ppareta-MU. ⁶⁴ Ponnu tana bonnuge kasih setia-MU, o MORI, panungadi ngara ketetapan-MU. Tet ⁶⁵ MU rawi bage a duwa bara ata-MU, o MORI, dekuge li'i pareta-MU. ⁶⁶ Panungngaga pertimbangan monno pande a duwa, orona kuwaidi ngara li'i pareta-MU. ⁶⁷ Daku tertindas koo, ku tersesatga, takka hinna ne'e ku karawawe li'i pareta-MU. ⁶⁸ MU duwa monno na duwawe parawi-MU, panungagadi ngara ketetapan-MU. ⁶⁹ Ata a keketa wekkina a nodaiga waina kawossoka, takka waina ategu kukarawawi ngara li'i pareta-MU. ⁷⁰ Ateda na makebbelaba ekakowa morru, takka youwa ku beidi taurat-MU ⁷¹ Na duwawe baku tertindasko, ngga'i kaku belajar ngara ketetapan-MU. ⁷² Taurat ngada-MU na duwapo baragu, daripada ngau rata omma rara monno omma kaka. Yod ⁷³ Limmamu nya rawiga monno a pakeddeaga, yaga pengertian baragu ngga'i kaku pande belajar pareta-MU. ⁷⁴ Ata a mandauta-GU enga etadaga monno a weila deta, orona ku mennege li'i pareta-MU. ⁷⁵ Ku pandege, o MORI, ngara hukum-MU a tena, monno kesetiaan dana-MU bu tindasaga. ⁷⁶ Ngga'ige kasih setia-MU kanna hiburaga, dekuge aura-MU bara ata-MU. ⁷⁷ Ngga'ige belas kasihan-MU kanna baraga kaku tolekaga, orona taurat-MU nayabana pabeigu. ⁷⁸ Haida ata a keketa wekkina kapamakkewi, orona a pakabekkoaga waina kawossoka, takka youwa ku pangeddadi titah-MU. ⁷⁹ Hidda a mandauta-GU kamadikkira baragu, kapandege ngara kesaksian-MU. ⁸⁰ Ne ategu kanna mendera barana ketetapan-MU, ngga'i kadapamakkekaga. Kaf ⁸¹ Nababana dewagu orona selamata-MU, ku menne li'i pareta-MU. ⁸² Bawi matagu orona li'i-MU, lungguge, "Pirra koge Bu hiburga?" ⁸³ Orona, youwa kirbatgawa ne mau dana, takka dakku bullakidi ngara ketetapan-MU. ⁸⁴ Pirrako mando'ina loddo youwa ata-MU? Pirrakoge BU hakimi hidda a wolaga? ⁸⁵ Ata a keketa wekkina a koda kalena tubagu, hidda da taat bara taura-MU. ⁸⁶ Ngara pareta-MU ku waidi, waina kawossoka bawolaga, tuluga! ⁸⁷ Danna mando'iba babawaga ne ponnu tana, takka youwa daku dundakakidi ngara titah-MU. ⁸⁸ Pattu gawe ne tolekagu dekuge kasih setia-MU, ngga'i kaku pande pakarawawi ngara kesaksian ngada-MU. Lamed ⁸⁹ Mori wali-mori wali, o MORI, li'i pareta-MU engage bana teguhwe ne surga dana. ⁹⁰ Kesetiaan-MU wali iya generasi dukki iya generasi, MU pakedde ponnu tana, monno na dede. ⁹¹ A dede ne loddo dekuge pareta-MU, orona ngara kuwa nyabawi ata-MU. ⁹² Dakku beikongge taurat-MU , ku mate bana milla danagu. ⁹³ Daku bullakidi ngara titah-MU mori wali-mori wali, orona nyabawi haida KU patolekaga. ⁹⁴ Youwa 'dou-MOga, selamataga, orona ku elletabagudi ngara titah-MU. ⁹⁵ Ata fasika a napa-napage kapamateaga, takka youwa ku pandedi kesaksian-MU. ⁹⁶ Ku eta bawe batasa ngara kuwa kesempurnaan, takka ngara li'i pareta-MU na allu bana gellarawi. Mem ⁹⁷ Oh, na allu baku beigudi taurat-MU! Ne nyabawi papangeddagu loddo mangeda-ngeda. ⁹⁸ Ngara pareta-MU nya a rawiga baku bijaksana wali bara ngara gobbagu, orona nyakuwawi a palolo dengaga. ⁹⁹ Ku kole paluwana pengertian wali ngara a panungaga, orona kesaksian-MU ku pangeddadi. ¹⁰⁰ Ku pande lawiwi ngara ata kaweda, orona ku katingngirandi titah-MU. ¹⁰¹ Ku pattuba wa'igu wali ngara lara bokala, ngga'i kaku pande pakarawa li'i pareta-MU. ¹⁰² Dakku ele kinna wali ngara peraturan-MU, orona MU panunga baga. ¹⁰³ Na allu bana mawaluwe li'i pareta-MU barana talatukagu! na lebipo wali kanena bara ngadagu! ¹⁰⁴ Wali ngara titah-MU, ku kolena pengertian, nyaka, ku buttu atewi na lara kepalsuan. Nun ¹⁰⁵ Li'i pareta-MU nya pelita bara wa'igu, monno mangewala bara laragu. ¹⁰⁶ Ku aura bana monno ku tepatiwi, ngga'i kaku karawawi benarna hukum-MU. ¹⁰⁷ Na alluwe millagu, pattuga tolekagu, o MORI, waige li'i pareta-MU. ¹⁰⁸ Deibagadi marakagu sukarela wali ngada danagu, o MORI, monno panungngagadi ngara hukum-MU. ¹⁰⁹ Dewagu ne'iwi ne papaterre limmagu, takka dakku bullakige taurat-MU. ¹¹⁰ Ata fasik a ta'i irra baragu, takka daku kabekkoki wali ngara titah-MU. ¹¹¹ Ngara kesaksian-MU nyabawi warisangu mori wali-mori wali, orona nyabawi pabei ategu. ¹¹² Ku patidige ategu baku raige ketetapan-MU, mori wali-mori wali, dukki nemmi. Samekh ¹¹³ Ku buttu atewi na ata a duada atena, takka youwa ku beiwi taurat-MU. ¹¹⁴ WO'U pandou pakabunni wa'igu monno perisaigu, ku mennewi li'i pareta-MU. ¹¹⁵ Kakomi wali baragu, yemmi ata bokala, ngga'i kaku pande pakarawawe li'i pareta ALLAHgu. ¹¹⁶ Rombaga youwa dekuge ngara li'i pareta-MU ngga'i kaku toleka, monno du nggai kangga bapamakkeaga ne pamenne wa'igu. ¹¹⁷ Pawessiaga kaku selamataga, ku eta patirri bara ngara ketetapan-MU. ¹¹⁸ MU tullara kuwadi ngara ata sesat wali ngara ketetapan-MU, orona ne kawossokada nyabawi kawossok. ¹¹⁹ Ngara kuwa ata fasik ne ponnu tana mu lettodi ekakowa karrana omma kaka, nyabawe kaku bei kuwadi ngara kesaksian-MU. ¹²⁰ Kana'agu na kadandaka orona mandauta bara-MU, monno youwa ku mandautadi hukum-MU. Ain ¹²¹ Ku rai bage keadilan monno kebenaran, du ngga'i kangga barada penindasgu. ¹²² Jaminlah ata-MU kanna duwa, du nggai kanna ata a keketa wekkina ba tindasga. ¹²³ Bawi matagu orona keselamatan-MU monno orona benarana patekki-MU. ¹²⁴ Perlakukanlah ata-MU dekuge kasih setia-MU, monno panungngaga ketetapan-MU. ¹²⁵ Youwa ne ata-MU, yaga pengertian, ngga'i kaku pandedi kesaksian-MU. ¹²⁶ Ne nyaba rapana MORI bana bertindak, orona taurat-MU a palabai. ¹²⁷ Nyaka, ku beidi ngara li'i pareta-MU lebipo omma rara, lebipo omma rara murni. ¹²⁸ Nyaka, ku pabenar kuwawi ngara titah-MU, ku buttudi ate ngara lara kawossoka. Pe ¹²⁹ Kesaksian-MU na ajaib, nya na dewagu kanna karawawa. ¹³⁰ Ngara li'i pareta-MU a singkapkan naya mangewala, naya pengertian barada ata naif. ¹³¹ Ku wukke ngadagu monno iya-iyage ngaugu, orona ku rindudi ngara li'i pareta-MU. ¹³² Madikkirawu baragu monno manawaraga, ekakowa barada ata a manawarago ngara-MU. ¹³³ Ngga'iwi na kakogu dekuge li'i pareta-MU, monno du ngga'i kandi ata fasik ba'douga. ¹³⁴ Tebusaga wali ngara penindasan ata pi'a, ngga'i kaku karawawi ngara titah-MU. ¹³⁵ Rawige ne mata-MU bana mangewala barana ata-MU, monno panungagadi ketetapan-MU. ¹³⁶ Matagu napakokorage arus we'e, orona dakarawake taurat-MU. Tsade ¹³⁷ WO'U MU benara, o MORI, monno ngara kuwa hukum-MU a tena. ¹³⁸ MU patetap badi ngara kesaksian-MU, kebenaran dana monno ngara kuwa kesetiaan. ¹³⁹ Ne cemburugu na baga, orona ngara gobbagu a bullago li'i pareta-MU. ¹⁴⁰ Janji-MU na teruji, monno youw ata-MU ku beida. ¹⁴¹ Youwa ne ku ki'i monno hina, takka dakku bullakidi ngara titah-MU. ¹⁴² Benar-MU nyaba benar kekal, monno ne taurat-MU na benar. ¹⁴³ Kesesakan monno milla ku wenna bana, takka ngara li'i pareta-MU nyapabeigu. ¹⁴⁴ Ngara kesaksian-MU a benar mori wali-mori wali, yaga pengertian ngga'i kaku toleka. Qof ¹⁴⁵ Ku kawula waina ate waigu, waleaaga, o MORI! Youwa kukarawawi ngara ketetapan-MU. ¹⁴⁶ Ku kawula bara-MU, patolekaga, monno youwa kukarawawi ngara kesaksian-MU. ¹⁴⁷ Ku kedde badann kabu gedde pongge monno kukawula dengngi tulu, ku mennewi li'i pareta-MU. ¹⁴⁸ Matagu na kedde badanna dukkipo jaga gedde, ngga'i kaku pangeddadi li'i pareta-MU. ¹⁴⁹ Rengnge gawe li'igu dekuge kasih setia-MU, pattugawe tolekagu, dekuge ngara hukum-MU. ¹⁵⁰ Hidda a wolaga a kambuge fasik ba baraga, a marro wali taurat-MU. ¹⁵¹ Tetakka, WO'U MU tukke, monno ngara pareta-MU nya a benar. ¹⁵² Wali waina ku pandege wali ngara kesaksian-MU, BU patetapawi mori wali-mori wali. Resh ¹⁵³ Etaga millagu monno paselamataga, orona youwa dakku bullakidi ngara taurat-MU. ¹⁵⁴ Perjuangkan ngar perkaragu monno tebusaga, patolekaga waina li'i pareta-MU. ¹⁵⁵ Ne selamata na marro wali barada ata fasik, orona da elletake ketetapan-MU. ¹⁵⁶ Kaladage manawara milla ate-MU, o MORI, patolekaga dekuge ngara hukum-MU. ¹⁵⁷ Mangedawi hidda a wolaga, takka youwa daku ele kinna wali ngara kesaksian-MU. ¹⁵⁸ Ku etawi ngara pengkhianat monno hidda a buttuga ate, orona da karawaki ngara li'i pareta-MU. ¹⁵⁹ Etawe, bana allu baku beidi ngara titah-MU! patolekaga, o MORI, dekuge kasih setia-MU. ¹⁶⁰ Inti firman-MU na benara, monno ngara hukum kebenaran-MU mori wali-mori wali. Shin ¹⁶¹ Ngara ata matto a wolaga takka da'iki alasanda, takka ne ategu nakadandaka barada ngara patekki-MU. ¹⁶² Ku weila deta bara li'i pareta-MU, ekakowa iya ata a kolena jarahan a luwana. ¹⁶³ Ku buttudi ate monno muak barada a kawossoka, takka youwa ku beidi ngara taurat-MU. ¹⁶⁴ Ne iya loddo papittu baku weila deta-WU, orona kebenaran hukum-MU. ¹⁶⁵ Damai sejahtera a kaladana a 'douge a beige taurat-MU, da'iki togo pakatundura barada. ¹⁶⁶ Youwa kuremage selamata-MU, o MORI, monno youwa kurawidi ngara pareta-MU. ¹⁶⁷ Na dewagu nakarawawi ngara kesaksian-MU. Na allu baku beidi. ¹⁶⁸ Ku karawawi ngara titah-MU monno ngara kesaksian, orona ngara laragu ne'idi aro-MU. Taw ¹⁶⁹ Ne kawulagu kanna dukkikowe bara-MU, o MORI, yaga pengertian dekuge li'i pareta-MU. ¹⁷⁰ Ne madengngigu kanna dukkiko aro-MU, pasilliaga waige li'i pareta-MU. ¹⁷¹ Ne rowiwigu kanna burrige dodo, orona WO'U a panungaga ketetapan-MU. ¹⁷² Lommagu kanna dodo-GO li'i pareta-MU, orona ngara pareta-MU a tena. ¹⁷³ Na limma-MU kanna tuluga, orona youwa ku pedeba titah-MU. ¹⁷⁴ Ku beige selamata-MU, o MORI, monno taurat-MU nyabana pabeigu. ¹⁷⁵ Ngga'iwi na dewagu kaengawi bana weila-WU, monno ngara hukum-MU batuluga. ¹⁷⁶ Ku sesat bana ekakowa bebe a muwana, elletaga youwa ata-MU orona dakku bulla kidi ngara li'i pareta-MU.